Osan Tokon $3 La To’o! Igreja Ai-Mutin Presiza Tan Tokon $1.8 Featured

By Mariano Mendonça Abril 04, 2024 344
Konstrusaun Igreja Aimutin. Foto:Google. Konstrusaun Igreja Aimutin. Foto:Google.

DILI: Konstrusaun ba Obra Igreja Ai-Mutin Governu tranfere ona orsamentu tokon US$ 3, maibé orsamentu ne’e la to’o atu konklui konstrusaun. Tanba ne’e, sei presiza tan osan tokon US$ 1.8.

Kordenador Gabinete Apoiu Sosiedade Sivil (GASS), Joaquim da Costa Freitas hatete, Igreja Aimutin, parte Governu trafere ona osan, maibé seidauk bele konklui. Tanba ne'e, prosesu sira la'o hela, tanba Governu mós hakarak Igreja ne'e tenke konklui.

"Igreja Aimutin ninia kustu tokon US$ 4.8. Iha 2015 iha rezolusaun ida hodi limite ba konstrusaun igreja hotu labele liu tokon US$ 3, entaun Gabinete deside hodi fó apoiu tokon US$ 3 ba konstrusaun Igreja Ai-mutin," dehan nia, iha Palásiu Governu, horisehik.

Nia fundamenta, ne'ebé fizikamente tokon US$ 3 ne'e transferidu hotu ona no Igreja ne'e atu konklui presiza tan tokon US$ 1.8, agora saida mak Gabinete Apoiu Sosiedade Sivil sei halo ba oin.

"Dokumentu ba progresu hotu ami haruka ona ba ADN para halo apresiasaun no atu halo estudu ida hodi bele kompara rezultadu ne'ebé atinje ho kustu ne'ebé mak Governu hasai ona," nia dehan.

Nia afirma, serake tokon US$3 ne'e ho ninia rezultadu ne'ebé atinje ne'e iha konpatibilidade, entaun kooperasaun ho Paroku Aimutin sei para no projetu ne'e sei direitamenete lidera husi Diodeze Dili ho konferesia Episkopal.

"Maibé nia atu kontinua fali presiza ADN ninia apresiasaun, ne'ebé nia sei kontinua mais sei hadia prosedimentu sira ne'e hotu. Entaun atu hatete saida, atu hatete la'os dehan valór ne'ebé iha osan transfere maibé iha inisiu ami informa ona katak rezolusaun Konsellu Ministru ne'e limite ona ba onstrusaun Igreja hotu-hotu la liu tokon $3," nia akresenta.

Kordenador ne'e hatutan, mais depois obra na'in hatete dehan lae Governu fó tokon $3 restu ne'e sira buka rasik, mas depois buka to'o ikus buka la hetan fila-fali mai Governu, depois obra mós paradu no agora ne'e sai responsabilidade sé nian.

Mas bá Governu maka dehan obra ne'e tenke konklui, Primeiru tanba nia sentru da sidade, segundu sarani Ai-mutin espera hela Igreja ne'e tenke remata, nune'e mós Paroku ida ne'ebé nia sarani barak liu paroku sira hotu-hotu.

Rate this item
(0 votes)

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30