Ministra Edukasaun, Dulce de Jesus Soares hatete, livru ne'e hakerek kona-ba lider istóriku, lider rezistensia no nasionais, tan ne'e Ministériu Edukasaun sei tau iha eskola sira ne'ebé iha ona biblioteka atu nunue'e kontinua reforsa materia Istória iha prosesu aprendijazem.
Ministra dehan, iha livru nia laran iha Mensajen importante ba Timoroan hotu no kovida mos Timor-oan hotu atu koñese di’ak liu tan lider rezistensia sira.
"Iha eskola sira, liu-liu iha ensinu Sekundáriu no Ensinu Báziku Central balun iha hahú ona harii bibloteka tan nee livru sira hanesan ne'e kontinua reforsa ita nia prosesu aprendizajem ne'ebé sai referensia ba materia Istória tanba livru ne'e hakerek konaba ba istória," dehan Ministra iha Sentru Nasionál Chega Balide, Kinta (28/12).
Governante afirma, Rosalia ho idade ne'ebé produtivu ne'ebé halo ona observsaun diak tebes ba dezemvolvimentu Eduksaun iha Timor-Leste liliu konaba dezafiu ne'ebé Ministeriu Eduksaun hasoru.
"Ita boot halo observasaun diak tebes ba dezenvolventu eduksaun iha Timor Leste konaba dezafiu neebe ministeriu edukasaun infrenta maibe hau bele hare katak ita boot mos produtu husi ukun rasik ida nee, maske dezafiu barak maibé konsege produs livru mesmu ke itua maibé futuru Timor nian bele tau ona iis ba no ba iha futuru bele tau ona esperansa ba ita boot sira," dehan Ministra
Governate nee mos enkoraja joven sira atu hakerek barak liu tan atu nune'e bele ajuda dezenvolve eduksaun iha Timor Leste tanba lee seidauk sai kustume Timor nian.Tan nee iha kurikulum Ministeriu reforsa barak liu iha lee liu husi livro sira ne'ebé iha.
Nunee Ministra mos Enkoraja Autora ne'e no dehan katak odamatan Ministeriu Eduksaun nian nakloke ba nia karik iha ideia ruma atu fahe ba kolega sira iha ME.
Iha fatin hanesan, Diretór Ezekutivu CNC Hugo Maria Fernandes, Parabeniza Autora Rosalia tanba marka tan istoria iha CNC tanba iha oprtunidade bele lansa livru neebe nia hakerek kona ba lider resistensia sira nian.
"Hau fiar katak livru nee ho vizaun boot hanesan mos ho lider sira ne'ebé hanesan Prezidente Fransisco Xavier, Prezidente Nicolau Lobato, Prezidente Xanana no mos seluk tan, tanba livru mak amigu diak liu ba ita, tanba ita lee livru loke ita nia koñesimentu argumenta ita nia an rasik, tqn nee parabens ba Rosalia," Tenik Diretór.
Diretór Ezekutivu esplika, livru nee hanesan sentidu omenajem ida ba lider sira ne'ebé luta ba rai ida nee, no kontribui ba independensia ho onra literaria.
Enkuantu, Autora Rosalia de Jesus Soares Pereira hateten, Timor-Leste atu bele avansa lalais ba dezenvolvimentu iha área hotu-hotu presiza ema matenek barak, nune’e hakerek livru ida ne’e hanesan artigu ida ne’ebé publika sai hanesan livru ida atu bele dada atensaun ba ema hotu atu bele lee liu-liu ba maluk universitáriu sira atu nune’e bele prepara-an sai joven ida ne’ebé matenek ba rai ida ne’e.
Rosalina Afirma, Dadaun nee sidadaun la dun iha koñesementu atu lee livru barak liu halimar facebook tan nee liu dalan haekerek livru nee atu enkoraza joven sira seluk au hatoman an lee tanba liu husi lee mak bele iha koñesementu barak liu tan ba iha rai ida ne'e.
Nia dehan, livru ne'ebé nia produz ona hamutuk 400 ona tan nee banhira ba oin joven sira neebe mak hakarak lee bele produz barak liu tan.
"Iha livru nee iha Pajiná 15 ho lian Portugués Inglesa ho Indonezia, neebe atu fó omenajem ba tinan 48 ne'ebe Timor-Leste hases an husi ema nia ukun iha 28 Novembro 1975," tenik Rosalia.
Nunee, Rosalia mos husu ba ema hotu ne'ebé hakarak lee livru bele sosa iba biblioteka CNC Balide.
