Tanba ne’e, MDF selebra akordu ho Asosiasaun Na’in ba Hotel Timor-Lorosa’e (HOTL-Sigla Inglesh), hodi dezenvolve setor rua ne’e iha Timor-Leste.

Tuir MDF Country Director, Drew Johnson hatete, asina akordu ida ne’e ho objetivu prinsipal mak atu promove liu tan Timor-Leste hanesan, destinasaun turizmu liu husi kampaña merkadoria.

Nia dehan, iha Timor-Leste iha produtu ida ne’ebé uniku, hanesan turizmu relijiozu, ida ne’e fatin ida diak liu ba setor turizmu sira atu bele dezenvolve diak liu tan hodi bele dada turista sira mai.

“Atividade prinsipal mak promove liu tan membru asosiasaun liu husi plataforma media sosial. Seluk mós inklui hadia no maneja imajen no video ne’ebé bele uza ba meteria promosaun nian ultimamente bele promove Timor-Leste hanesan destinu turizmu ida,”dehan nia iha Sala MDF, Surikmas, sesta (02/06).

Nia hatutan, hahú iha tinan 2012 MDF hala’o koordenasaun no koneksaun entre individual, empregador sira, governu no organizasaun naun governmental ho objetivu prinsipal atu promove kresimentu ekonomia inkluzivu. Implementasaun inisiativa ida ne’e hamutuk ho palladium no parseria ho Swisscontant.

Iha fatin hanesan, Prezidente Asosiasaun Hotel Timor-Lorosa’e, Samitha Alvwihare, hatete, Asosoiasaun Hotel Timor-Lorosa’e bazeia ba pilar tolu no iha atividade tolu, ida mak hanesan, atu halo promosaun atu ema bele deskobre liu tan sitiu turizmu ne’ebé iha.

“Segundu mak ita hasa’e kapasidade setor ne’e rasik no terseiru mak ita halo parseria,”dehan nia.