Tuir observasaun Jornalsita INDEPEDENTE nian iha terrenu nota katak, durante loron tolu, maske anin, loron manas no rai malirin komunidade la senti kolen atu partisipa iha eventu ne'e.
Iha festival ne'e, realiza mós atividade sira hanesan feira ba produtu lokal ne’ebé mai husi grupu oioin iha teritoriu laran tomak.
Produtu lokal hirak ne’ebé promove iha festival ne'e mak hanesan fehuk, aifarina, talas, repullu, koto, fore, hudi, fehuk-ropa no seluk tan.
Enkuantu kona-bá produtu lokal seluk hanesan tais, sinelus, lafatik, no sasan sira ne'ebé nudar indentidade Timor-Leste nian.
Alénde feira ba produtu lokál, iha mós kompetisaun oioin ba labarik sira hanesan sa'e bua, dada tali, futu manu, haksoik karón, dansa kultura, muzika, inklui seluk tan.
Iha festival ne'e, Ministeriu Edukasaun mós loke biblioteka movel ba labarik kikoan sira hodi lee, hakerek no pinta durante loron tolu nia laran.
Entertantu, festival Rabilau ne’e, Prezidente Repúblika Jóse Manuel Ramos Horta halo ona abertura iha loron 16 fulan Outubru no sei ensera fali iha loron 18 fulan Outubru tinan ne’e.
