Diretór Ezekutivu Klinika Bairru-Pité Inacio dos Santos hateten, ho númeru ida-ne’e, Klinika Bairru-Pite halo programa ida tama sai uma hodi halo screening ba kada uma kain bele deteta  labarik sira ne’ebé hetan má nutrisaun no inan isin rua sira.

Nune’e mós ba Screening ba inan isin rua sira tanba ne’e mediku sira fahe hahan super serial ba inan ne’ebé fó susu ba labarik.

“Iha Semana Kotuk UNFPA liu husi Unidade Nutrisaun iha Palasiu Prezidente apoia batar uut mai iha Klinika Bairu-Pite. Entaun, ami dekteta inan sira ne’ebé isin rua no inan fó susu sira ne’e inklui labarik sira ne’ebé afeita ba má nutrisaun. Ami distribui kedas perserial ba sira nune’e sira bele konsumu,” nia hateten iha knaar fatin, Tersa (18/04/2023).

La’os ida-ne’e, Klinika Bairru-Pite buka inan sira ne’ebé prepara ai-han nutritivu ba oan sira ne’ebé  afeita má nutrisaun.

Tanba problema má nutrisaun ne’e la’ós entermus hahan ne’ebé la iha, maibé preparasaun hahan husi inan sira mak ladun saudavel ba oan sira.

Hahan ne’e hijeniku ka lae, iha nutrisaun ka lae, tanba ne’e, Klinika nia programa ida oinsa mak inan sira atu prepara hahan nutritivu ba oan sira.

Antes ne’e, Ministeriu Saude (MS) rekoñese labarik tinan lima mai kraik sei kontinua sai hanesan  problema ba má nutrisaun iha Timor-Leste (TL).