Diretór Serbisu Edukasaun munisipiu Dili Carlito da Silva hateten, Orsamentu programa merenda eskolar tinan ne’e iha munisipiu Dili hamutuk $4,371.75, husi Orsamentu ne’e totál estudante hamutuk 1.943 mak sei asesu.
“Tinan Ida ne’e ita nia Orsamentu bá programa merenda eskolar ne’ebé mak MAE transfere mai ne’e ho montante $4,371.75, husi Orsamentu ne’e ita nia estudante hamutuk 1.943 mak assesu bá programa merenda eskolar,” nia hateten iha serbisu fatin, Tersa (15/02).
Orsamentu bá Programa merenda eskolar $4,371.75 ne’e sei implementa to’o fulan tolu, hahu husi fulan Janeiru to’o fulan Marsu, maibé iha fulan janeiru to’o agora seidauk implementa, eskola hotu foin mak hala’o sira nia atividade.
Ministru Administrasaun Estatal Miguel de Carvalho antes ne’e informa ona katak, Programa merenda eskolar bá tinan Ida ne’e infelizmente Orsamentu Jeral Estadu (OJE) la to’o hodi finansia loron 191, maibé sei finansia to’o loron 100 iha eskola hotu-hotu.
Molok ne’e, Diretor Jerál no Administrasaun Finansas Antoninho Pires hateten, Orsamentu programa merenda eskolar ne’ebé MEJD transfere ona bá iha konta bankaria munisipiu ida-idak, sei mantein ho 0,25 sentavus kada estudante kada loron.
