MAE Sosa Karreta Pajero Sport Fahe ba Administradór Sira Featured

By Marsu 08, 2020 3749
Karreta Pajero Sportu ne'ebe MAE sosa ba Administrador munisipiu sira. Foto MAE. Karreta Pajero Sportu ne'ebe MAE sosa ba Administrador munisipiu sira. Foto MAE.

DILI:Planu VIII Governu Konstitusionál liu husi Ministériu Administrasaun Statal (MAE) sosa karreta Pajero Sport hodi fahe ba Administradór sira iha Munispiu.

Karreta luxu ne’e hamutuk 29, no MAE distribui ona iha loron sesta-feira (6/3) ba Presidenti Autoridade Munisipiu sira no Administradór Munisipiu sira, iha Resinto MAE.

Liu husi komunikadu ne’ebé Online INDEPENDENTE asesu katak, Vise Ministru MAE, Abilio José Caetano afirma, kareta ne'e uza nuudar responsabilidade laos oportunidade.

Iha sesaun serimoña ba distribuisaun vieklu,(karreta) ne’e, Vise Ministru iha nia intervensaun afirma, kareta ne'e uza ho responsabilidade, laos oportunidade.

Nia dehan,se uza ho responsabilidade bele dura to'o tinan lima ou tinan sanulu mos karreta nia kondisaun nafatin estavel. Maibé tuir nia katak, se hanoin atu uza hanesan oportunidade deit, ohin Administrador sira bele simu karreta ho quantidade barak mos sei a'at lalais.

Ministru MAE, haforsa liu tan nia mensajen ba Presidenti Autoridades no Administradores Munisipius atu kuidadu ho kareta sira ne'e hodi hala'o servisu ba públiku no ba povu nia interese.

“Kareta sira ohin nai Administradores sira simu ne'e liu husi procesu naruk ida ne'ebé nia tenderizasaun liu husi aprovisionamentu MAE nian ho kompaña sira nune'e ikus mai hetan duni kompaña ida ho naran Auto Timor-Leste, nia domisilio iha Dili, no konsege bele aranja ona kareta sira ne'e no ohin Administradores sira bele simu iha ámbito VIII Governu nian,”dehan Vise MAE.

Kuantidade karreta distribui ba Presidenti Autoridade sira, Administrador Munisipiu sira, sekretaria Munisipiu, no Administradór postus hamutuk 29 karreta.

Rate this item
(0 votes)
Last modified on Domingu, 08 Marsu 2020 13:43

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31