Nia dehan, povu presiza uma ne'ebé dignu maibé depende ba governasaun foun mai, tanba uma balun VIII governu halo ona durante nia mandatu.

"Uma Naroman Povu (UNP) VIII governu nian agora, maibé se governu foun mai hakarak atu implementa ka la’e, ida ne'e ha'u labele komenta tanba ita seidauk hare governu foun nian programa,maibè espera ha'u nia rekomendasaun bele konsidera no kontinua implementa,"dehan nia ba Jornalista INDEPENDENTE hafoin observa lixu fatin iha Tibar, (14/06).

Nu’udar Ministru nia parte konsidera asuntu ne’e importante no tenke implementa tanba povu barak mak hein hela UNP.

"Ha'u fiar katak maioria povu hein hela bainhira maka bele hetan Uma Naroman Povu (UNP), ne’e duni espera katak governu foun bele kontinua programa ida ne’e,” tenik nia.