Diretór Jeral Dezenvolvimentu Governu Lokal MAE, Antonio Guterres hatete, dahuluk iha osan hodi suku fardamentu liman badak ho naruk no mos sapatu.
“Aleinde ne'e, MAE atu halo tor kona-ba fardamentu ba Xefe suku sira tantu feto no mane, ita mos halo tour ida kompras ba motor rua no Kiik ho boot ida,” Dehan Diretór Jeral Dezenvolvimentu Governu Lokal MAE, Antonio Guterres ba Jornalista sira, iha STAE Kaikoli, Segunda (22/04).
Nia dehan, ho ida ne'e presiza kria tor ida hodi halo definisaun motorizada kor oinsá atu hetan ida-ne'e, no atu uza ba saida nune'e presiza define tor ida no agora dadaun sei prosesu hela.
Tanbá ne'e, sei hare'e ba orsamentu kiik no osan balun liu husi kondisaun aprozionamentu nasionál, la'ós la'o iha MAE nia servisu, maibé buat hot-hotu em-jeral governu.
“Maibé ita hein rezultadu, kona-ba orsamentu, ha'u labele temi sai, tanbá orsamentu bo'ot sai tiha ona ba iha ne'ebá, maibé farda ho motor sei prosesu aprozionamentu,” Nia haktuir.
Nia informa, bainhra rezultadu iha, sei fahe atraves Autoridade Munisipiu Lokal, sira mak reprezenta governu sentrál iha munisipiu ida-idak, hodi entrega ba membru Konsellu suku liu-liu xefe suku.
“Maibé, agora sei prosesu aprozionamentu tenke rai segredu estadu, tanbá nasaun demokratika no prosesu ida-idak la’o tuir natureza rasik regras ne'ebé define,” Kata nia.
Bainhra manan na'in iha ona foin divulga katak ida mak atu suku no agora sei prosesu hela, maibé, tinan ida ne'e bele konklui no hetan ona.
Nivél Lokál buka solusiona ba Problema
Purtantu Ministeriu Administrasaun Estatal (MAE) liu husi Diresaun Jerál Dezenvolvimentu Governu Lokál husu nivél Lokál sira buka solusaun ba problema ne’ebé mosu, hodi fó susesu ba eleisaun suku 10 ne’ebé sei iha loron 27 abríl 2024.
Diretór Jerál Dezenvolvimentu Governu Lokál, António Guterres hatete, reprezenta nivel lokal hodi fó solusaun bainhira problema ruma mosu iha eleisaun suku 10, la'ós aprezenta problema.
Nia dehan, fasilita tékniku no apoiu tékniku transporte ba parseriu sira-ne'ebé fó apoiu asisténsia aumenta ba transporte, atu orienta sira ba motorista lori karreta hodi hatun sasan la'ós, atu orienta karreta ne'e hein hodi fo asistensia to'o hotu mak fila.
“Nune'e labele hatun sasan hotu, motorista sira fila, ne'e akontese iha eleisaun fulan hirak liu ba, ami aluga rasik mikrolet mak sa’e no identidade estadu hodi fo asistensia,” Dehan Diretór Jerál Dezenvolvimentu Governu Lokál, António Guterres ba Jornalista sira, iha STAE Kaikoli, Segunda (22/04).
Nia dehan, bainhra kontaktu labele taka telefone, tanbá atu Koordena fo asistensia iha fatin to’o hotu, tanbá orientasaun mai husi Ministériu Administrasaun Estatál (MAE) liu husi Diresaun Jeral no Diresaun Nasional apoiu Administrasaun Suku, iha reprezentasaun Governu sentral no mos Lokal iha.
“Sekretariu Munisipal balun papel asuntu organizasaun komunitáriu mak agora eleisaun ne'e, maibé sei apoiu Sekretariu iha deit fatin, tanbá lamentasaun mai husi suku to'o Postu Adminitrativu to'o nasional tilun manas no ita bo'ot sira tilun malirin hela,” Nia relata.
Aliende ne'e, Autoridade lokal hatudu sentidu tebes iha fatin ida-ne'e hodi lori sasan sira-ne'e tenke seguru to'o iha fatin, indetifika sasan saida mak menus lalikan publika sai iha media sosiál.
Tanba nu'udar servisu profesional hare'e uluk no indetifika saida mak falta no konfirma diak-diak lai no koordenasaun relavante sira hodi halo kompleta.
“Labele posting uluk lai mak halo koordenasaun no relavante sira, ha'u reprezenta Ministru Administrasaun Estatal (MAE) katak se ema servidor ida-ne'e la respeita nia a'an hanesan servidor Estadu,” Kata nia.
Nia afirma, Koloka nia aan la reprezentativu STAE ho Autoridade Munisipiu ruma iha nivel lokal hodi fo asistensia, atu buka solusaun ba problema sira-ne'ebé akontese.
“Iha eleisaun liu ba hatudu katak votus mos naran diferente no foilla dahuluk bele kandidatu nia naran, depois buletin de votus tuir ema nia naran, se ida ne'e akontese, tenke konfirma diak-diak no teknikamente hodi responde ba malu ba buletin sira ne'ebe iha,” Nia afirma.
