Tuir observasaun husi Jornalista INDEPENDENTE nota iha terenu katak, perigriñu sira husi Munisipiu hanesan, Vikeke, Baukau, Aileu no Ainaru no munisípiu seluk hahu nadodon ba konsentra hamutuk iha Tasi-Tolu.
Enkuantu, iha dalan protokolu hahú husi Aitarak-laran, sarani sira La'o ain hodi nadodon ba konsentra hamutuk iha Tasi-Tolu. Nune’e Sarani sira husi Munisipiu balun ne'e konsentra iha Kampu besik iha Eskola São Minguel hahú kedas tuku 3:00 madrugada la'o ba konsentra ona.
Iha observasaun hatudu, sarani balun fali tula ho kareta mak ba konsentra hamutuk iha Tasi-Tolu, maibe sarani maioria rihun ba rihun mak la'o ain hodi taka tomak estraga.
“Desde kedas tuku 3 ne'e, sira la'o ain ona ba iha Tasi-tolu, Ami sira ne'e foin tuir ne'e,” Haktuir sarani balun ne'ebe la konsege fó-sai nia indentidade ba Jornalista INDEPENDENTE bainhira halo hela observasaun iha dalan protokolu ne'ebe sarani liu.
Purtantu, observasaun ne'e mos nota katak, sarani sira maioria husi Joven no Adulto, no Idozu, no mos maioria husi labarik minoridade sira mak la'o nadodon husi dalan protokolu ba konsentra iha Altar Tasi-Tolu.
Entretantu, Perigriñu sira ne'ebe la'o ain hodi ba konsentra iha Altar Tasi-Tolu hetan seguransa maximu husi PNTL no F-FDTL no Polisi'a Miital (PM) hahú kedas husi Aitarak-laran to'o iha Altar Tasi-Tolu.
