Xefe Departamentu Emerjensia, Eldegar Lopes Martins informa, molok hasoru Natal no hafoin Natal, sala emerjensia simu kazu asidente trafegu 38.
Kazu asidente trafegu ne’e fahe ba kazu asidente karreta iha rua no asidente ho motor iha 36.
Aleinde kazu asidente, nia dehan, iha loron haat ne’e, nia parte mós rejista kazu violensia domestika tolu, kazu kanek tanba hetan tuda neen, kazu sona ida no kazu tiru aleza ida.
Enkuantu, durante loron refere pasiente na’in 1.051 mak halo tratamentu iha sala emerjensia HNGV.
“Balun mai ho moras malaria, dengue, fuan no seluk tan,” informa Eldegar iha HNGV, Kinta (28/12).
Entretantu, iha oportunidade ne’e, Xefe Departamentu Emerjensia ne’e mós husu ba komunidade sira atu kuidadu an iha tempu udan tanba bele provoka moras no asidente.
“Agora tempu udan ona ita husu ba komunidade sira atu nafatin kuidadu an bainhira sa’e karreta no motor, no labele soe foer arbiru atu nune'e hamosu susuk barak,” dehan nia.
