Tuir nia, observasaun durante lideransa MS Elia dos Reis nian hatudu katak, stock ai-moruk kontinua laiha iha HNGV inklui sentru saùde iha territoriu nasionál.
"Ohin loron ita nia situasaun ekonomia no politiku ita labele dehan krize boot, maibé iha indisiu atu tama ba krize politiku, iha setor saude ne'ebé ke importante liu bá nasaun no estaidu povu ida", dehan Lere, iha sede Partidu Demokratiku (PD), Kolmera Sabadu (15/6).
Nia dehan, Timor-Leste ukun aan ba tinan 23 ona, enves rai ne'e la'o ba oin, maibé bá fali kotuk, tanba ukun-na'in sira seidauk tau prioridade, tanba ne'e Lere Anan Timur espera Governu bele tau prioridade ba setor saúde.
"Saúde ne'e mate nia distinu, maibe dala-ruma mos la'os distinu, tanba husi ita-nia ignoransia, husi ita nia beik no ita nia responsabilidade halo ita nia inan-aman balun mate. Ha'u nunka hospital aimoruk iha ka la'e, maibé komentariu kintu-kantu ai-moruk laiha, maibé Ministra Saúde dehan aimoruk iha, ida-ne'ebe mak los, mas realidade ema mate", nia preokupa.
"Ai-moruk laiha ba ospitál no sentru saúde doutor fó reseita dehan ba sosa iha klinika, privadu, sira ne'ebé osa laiha kuitadu, ne'ebé saude ne'e agora problema gravida", katak nia.
Molok né'e, Ministra Saúde, Elia dos Reis Amaral, rekoñese problema stock ai-moruk menus iha Hospital Nasionál Guidu Valadares (HNGV) ho sentru saúde Munisípiu iha Teritoriu Timor-Leste.
Nia dehan Problema saúde ne'e akontese, bainhira nono Governu konstitusionál ne'ebé lidera husi Primeiru Ministru Kayrala Xanana Gusmão simu relatóriu husi Governu ne'e Estok Aimoruk Menus kedas iha tempu ne'ebá.
"Ita hotu akompaña relatóriu, aimoruk hahú kedas Estok Aimoruk Laiha ne'e hahú kedas ami simu posse problema aimoruk ne'e Governu anterior husik hela mai ami kontinua rezolve agora aimoruk sira ne'e tama mai neneik loron ida ita sei rezolvidu," Dehan Elia ba Jornalista sira hafoin remata enkontru konsellu Ministru iha palásiu Governu (12/06).
Nia informa nono Governu hahú ne'e iha buat barak mosu irregularidade iha momentu ne'ebá, entaun ida ne'e presiza lori tempu atu hadia.
"Ita boot sira fo tempu ami halo servisu no susesu la'o dadaun ona, ita boot sira akompaña faktus balun, durante aimoruk balun susu de'it, entaun ita boot sira fo tempu mai ami halo servisu ba Progresu problema saúde iha Timor-Leste sei rezolve," informa nia.
Tanba problema aimoruk, durante Estok menus, maibe akompaña iha Ekipa integradu Saúde aimoruk komesa rezolve ona.
