24 Juñu, Tribunal Supremu Justisa Sei Deside Destinu Fujitivu Arnolfo Teves Jr Featured

By Domingos Gomes Juñu 19, 2024 741
Advogadu Privadu, José da Costa Ximenes. Foto:Google. Advogadu Privadu, José da Costa Ximenes. Foto:Google.

DILI:  Loron 24 Juñu 2024, Ministeriu Publiku (MP) sei aprezenta alegasaun final prosesu estradisaun ba Tribunal Supremu Justisa Timor-Leste hodi deside destinu fujitivu Arnolfo Teves Jr.

Advogadu Privadu, José da Costa Ximenes hateten,  prosesu audisaun, durante loron haat (4), rona testamuña nain hitu (7) fo sai sasin ba Fujitivu Arnolfo Teves Jr remata ona, tanba ne'e tempu ba Ministeriu Públiku (MP) to'o loron 24 Juñu tenki aprezenta ona alegasaun final hodi Tribunal Supremu Justisa bele foti desizaun ikus.

"Tribunal Supremu Justisa rona ona testamuña sira fo sasin ba ami nia kliente Fujitivu Arnolfo Teves Jr,  agora  sira  tempu ba Ministeriu Públiku sei aprezenta alegasaun final iha loron 24 Fulan Juñu atu Tribunal Supremu Justisa foti desizaun ikus,'' informa José ba INDEPENDENTE via mensajen whatsaap iha Sabadu (15/06).

Nia informa, tribunal supremu justisa mós fo tempu loron lima ba defeza atu hato'o pozisaun ruma kona-ba prosesu audisaun rona testamuña sira ne'e, molok foti desizaun ba prosesu estradisaun.

"Agora ami prepara hela karta atu hato'o ami nia pozisaun ba tribunal supremu justisa, molok foti desizaun ba prosesu estradisaun ami nia kliente Fujitivu Arnolfo Teves Jr," hakotu nia.

Antes ne'e Tribunál Supremu Justisa Timor-Leste aplika medida Proivisaun de ausensia ba arguidu sidadaun Filipina Arnolfo Teves Jr, maibé Polísia Nasionál Timor-Leste (PNTL) mantein asegura seguransa iha nia rezidensia metiaut.

Advogadu Privadu José Ximenes hateten, desizaun tribunál Supremu Justisa Timor-Leste ne'e aplika ba arguidu Filipina Arnolfo Teves Jr ne'e bazeia ba mandadu detensaun foun ne'ebé Tribunál Rekursu fo orden ba PNTL halo detein fali iha loron 10/06 tuku 06:50 loraik iha nia rezidensia metiaut.

"Durante julgamentu tribunál Supremu Justisa rona tiha arguidu Filipina Arnolfo Teves Jr nia deklarasaun sira halo analiza aplika medida Proivisaun de ausensia ba ami nia kliente hetan iha nia rezidensia metiaut, maibé polísia Nasionál Timor-Leste kontinua segura seguransa," Dehan José ba Jornalista sira remata julgamentu iha Tribunál Supremu Justisa iha Kaikoli foin lalais.

Nia esplika bainhira Tribunál Supremu Justisa Timor-Leste halo tiha desizaun ida ne'e kontinua kedas ba prosesu audiasaun ba estradisaun nian.

"Ohin loraik iha prosesu audiasaun ita rona tan ona sasin nain ida, depois rona tiha deklarasaun sira husi testamuña ne'e ita pasa kedas ba despaixu ba oha medida koasaun iha mandadu detensaun nian, finalmente juiza  konselleira  Jacinta  Correia da Costa desidi halo despaixu ida katak, ami nia kliente medida koasaun ida permanente iha nia rezidensia, ita bele dehan tahan ruma. Ne'e signifika katak,  Fujitivu Arnolfo Teves Jr ohin kalan, despois nia fila la ba ona Prizaun Bekora, maibe nia bá hela iha nia rezidensia, depois aban (ohin) kontinua prosesu audiasaun rona testamuña sira seluk hodi hein, desizaun  final ba prosesu estradisaun," informa nia.

Nia informa, durante prosesu audisaun ba estradisaun husi iha loron 11 to'o 12/06, tribunál Supremu Justisa Timor-Leste rona ona testamuña nain tolu, tanba ema nain hitu mak arola atu sai testamuña Fujitivu Arnolfo Teves Jr molok tribunál Supremu Justisa Timor-Leste foti desizaun ba estradisaun nian.

"Iha prosesu audiasaun ba estradisaun ami arola ema nain hitu, maibé nain tolu halo sira nia deklarasaun fo sasin ba ami nia kliente, depois  kontinua rona testamuña nain rua  sira ho video Zoom komferensia  no sira seluk hein faze tuir mai," informa nia.

Tanba ne'e prosesu audiasaun hodi rona testamuña sira ba oin Fujitivu Arnolfo Teves Jr kontinua prezensa iha Tribunál Supremu Justisa Timor-Leste.

"Maibé agora ba oin nia hela iha nia rezidensia ho desizaun konselleira Jacinta Correia da Costa nian, Fujitivu Arnolfo Teves Jr hela iha nia rezidensia, maibe ho nia eskoltu Polísia Nasionál Timor-Leste kontinua asegura seguransa. Agora ami organiza oinsá maka ita nia PNTL asegura Fujitivu Arnolfo Teves Jr iha nia rezidensia hein prosesu audiasaun ba estradisaun faze tuir mai," afirma nia.

Nia hatuir medida koasaun ba Proivisaun de ausensia ne'e bazeia ba artigu 195 iha kondigu Prosesu penal Timor-Leste katak, obrigasaun permanente labele sai husi nia hela fatin ba nasaun seluk ,tanba polísia iha nia rezidensia atu asegura seguransa.

"Razaun tribunál Supremu Justisa Timor-Leste aplika medida koasaun ida ne'e, tanba ami nia kliente Fujitivu Arnolfo Teves Jr koopera ho Justisa entrega nia pasaporte komún ho Diplomatiku, entaun media koasaun ida ami hanoin sufisiente ba mai nia kliente atu hein prosesu audiasaun ba estradisaun tuir mai," hakotu nia.

Entretantu iha prosesu audiasaun rona testamuña iha tribunál Supremu Justisa Timor-Leste, lidera husi juiza konselleira Jacinta Correia da Costa, Ministeriu Públiku reprezenta husi Prokurador Jacinto Babo, arguidu Filipina Arnolfo Teves Jr hetan asisténsia legal husi Advogadu Privadu José Ximenes ho Estranjeiru nain rua inklui familia akompaña hetan seguransa Masimu husi Polísia Nasionál Timor-Leste PNTL husi Departamentu investigasaun Kriminál Nasionál (DIKN) apoiu husi forsa rezerva polísia Munisípiu Dili.

Forsa Konjunta Asegura Seguransa ba Arnolfo Teves Jr

Forsa Konjunta, Polísia Nasionál Timor-Leste (PNTL), ho FALINTI-Forsa Defeza Timor-Leste (F-FDTL) asegura seguransa ba Fujitivu Arnolfo Teves Jr iha nia rezisténsia hodi hein desizaun final ba prosesu estradisaun husi tribunal supremu justisa Timor-Leste.

Tuir informasaun ne'e jornál INDEPENDENTE asesu husi servisu sekreta informasaun infoma katak, dadaun ne'e sidadaun Filipinan hela iha nia rezisténsia, ita nia forsa Konjunta mak asegura seguransa masimu husi PNTL ho F-FDTL nian.

"Ami seguransa ekipa Konjunta mak destaka iha rezisténsia sidadaun Filipina Fujitivu Arnolfo Teves Jr nian hodi asegura seguransa to'o  hein rezultadu desizaun final husi tribunal supremu justisa kona-ba prosesu estradisaun," dehan Ponte importante lakohi públika  ba jornál INDEPENDENTE Sabadu (15/06).

Tanba ne'e ekipa Konjunta ne'ebé asegura seguransa ba sidadaun Filipina Fujitivu Arnolf Teves Jr iha nia rezidensia kompostu husi  Polísia Nasionál Timor-Leste PNTL husi Departamentu Invesigasaun Kriminal Nasionál (DIKN), Departamentu Informasaun Polísia, Bataillaun Ordem Públika (BOP) kompaña Alfa no FALINTI-Forsa Defeza Timor-Leste husi Unidade FALINTIL.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31