“Sira iha li'ur ne’e balun ko'a tua, balun hakiak maun, balun hakiak fahi to’o la-hun la-dikin, balun populasaun ameasa, tolok tan. Buat sira ne’e kestaun morál, balun agora moras, la’o la di’ak toba hela,” dehan nia, iha Palasiu Prezidensiál, Bairru-Pité, horisehik.

Hanesan ninia maun ne’ebé ninia oan feto mate, nia la’o la di’ak, nia toba hela iha ne'ebá situasaun ida ne’e dala ruma provoka emosaun ba ema ida.

“Se ha’u la hatene kontrola, ha’u nia-aan ne’e dala ruma ha’u ko’alia liu, maibé pasiénsia ne’e maka ha’u hanoin katak se ita informa situasaun ha’u nia sentimentu ba ha’u nia alin veteranu sira ne’e, ha’u fuan kanek, ha’u la kontente,” haktuir nia.

Maibé, ninia maluk hotu-hotu veteranu hotu-hotu bainhira haree sira-nia situasaun la kontente, liuliu ofisial sira ne’ebé agora daudauk iha forsa armada, sira la kontente ne’e maka dehan dezgostu ba situasaun atuál ne’e.

“Ami ida ne’ebé uluk terus ba rai ne’e ami agora moris hanesan ne’e, ha’u tanba sei Jenerál, Mau Calo ne’e sei Koronél ne’e maka nia agora estika-aan maibé bainhira ami ba vida sivíl ne’e dala ruma ema tolok tan nia,” hateten nia.

Tanba ne’e, Lere dehan, PN ne'ebá ne’e labele ibun bo'o, la halo lei atu defende veteranu sira interese, labele halo lei ba veteranu, veteranu ne’e aban bainrua mate ona, aban-bainrua veteranu nia oan sira ne’e sei han malu.

Tanba Timor sei sai nasaun sira seluk ne’ebé ohin loron ukun-aan to’o Giné-Bissau iha ne’ebé de’it, maibé agora la rezolve problema, sira dehan lider sira liuliu lider sira la hamutuk ne’e problema boot ba futuru.