Laiha Serteza Rezolve Problema Kandidatura Membru Governu Na'in Sia Featured

By Jacinto Xavier Outubru 05, 2018 2497
PR Lú Olo PR Lú Olo

DILI: Governu daualuk ne’ebé lidera husi Primeiru Ministru, Taur Matan Ruak, kompleta ona loron atus ida, maibé to’o oras ne’e estrutura governu seidauk kontinua inkompletu.

Maski nune’e, Presidente Repúblika rasik seidauk iha serteza hodi solusiona problema kandidatu membru governu na’in sia nian.

Bainhira partisipa iha serimónia Selebrasaun Aniversáriu Deklarasaun Universál Demokrasia ba dala XXI, jornalista sira tenta entrevista kona-ba kandidatu membru governu sira ne’e, maibé Xefe Estadu la ko’alia klaramente.

“Membru governu na'in sia ne’ebé seidauk kompletu ne’e depois mak ita ko'alia”, dehan PR Lú Olo, iha Salaun Ministériu Finansas, Ai-Tarak Laran, horisehik.

Iha fatin hanesan, Prezidente Parlamentu Nasionál, Arão Nóe de Jesus hatete, problema kona-ba kandidatura membru governu na’in sia ne’ebé to’o oras ne’e seidauk simu pose ne’e kompeténsia Presidente Repúblika no Primeiru Ministru nian atu ko'alia ba malu hodi buka solusaun.

Maibé haree ba nia impaktu negativu ba funsionamentu mákina estadu ne’e boot tebes, tanba Orsamentu Jerál Estadu (OJE) 2018 aprova ona maibé membru governu seidauk kompletu sei afeta ba ezekusaun orsamentu.

“Ministériu lubuk ida mak to’o oras ne’e nian ministru seidauk iha ne’e sei afeta ba ezekusaun Orsamentu Jerál Estadu nian bele tarde ou se lae la’o la loos”, dehan nia.

Tanba ne’e, husu ba Xefe Estadu no Xefe Governu buka tuur hamutuk nafatin hodi foti ona desizaun oinsá atu bele kompleta ona estrutura governu, nune’e bele halo ona servisu hodi serve povu no nasaun ne’e.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31