Tanba sira hakarak simu bensaun husi Papa Franscisco bainhira kareta ne'ebé lori Papa Francisco ultrapasa iha Suku Fatuhada.
"Ami agradese no sente kontente tebes, antuziasmu hodi hein sua santidade nia prezensa iha ne'e. Ita-nia oan sira prepara múzika, poezia no ai-funan hodi hein Papa nia prezensa," dehan responsável ba labarik Eva Soares, Fatuhada, segunda ()09/09.
Nia hatutan, labarik sira ne'e la iha ida mak sei reprezenta atu hananu no lee poezia maibé sira sei hotu-hotu sei hamutuk mak hananu no haklalak hodi simu sua santidade Papa Francisco.
Reprezentante labarik, Maria Lopes, sente kontente loos hodi hein sua santidade ninia prezensa.
"Ami agora kedas hamriik iha ne'e, treinu kanta, lee poezia hamutuk hodi hein Papa nia prezensa. Ami sente kontente tebes," nia haktuir.
Nia hatutan, hakarak husu bensaun matenek no respeita, iha momentu Papa Franscisco vizita Timor-Leste.
"Ne'e mak Papa nia kareta para, hodi rona ami kanta no lee poezia hotu, no karik ami bele kaer liman ami sei husu buat ida mak bensaun, fó bensa mai ami atu ami matenek no respeita no mós ami husu Papa atu fó bensaun ba Timor Leste," nia tenik.
