Purtantu, Karreta tolu ne'ebe Komisaun Organizadora entrega ba Vatikanu ho Marka hanesan Jeep ho Sapa Matrikula hanesan SCV I. ne'ebe sei tula Sua Santidade Papa Francisco.
Nune’e, kareta rua ho marka Toyota no Vellfire, hanesan protokolu ne'ebe sei uza akomapaña papa Francisco hahú husi Aeroportu Nikolau Lobatu to'o iha Nusiantura Apostóliku.
Molok ne’e, entrega ba ekipa vatikanu, Koordenadora Jeral Interinu Altu Nivel Instituisional Vizita Papa Francisco mai Timor-Leste, Tomas do Rosário Cabral orienta atu halo inspesaun ba karreta nia kondisaun.
“Hare tiha kareta nia kondisaun lai, mak ha'u entrega karreta ba sira (vatikan)", Hateten Atual Ministru MAE, Tomas do Rosario Cabral,” Dehan nia, hafoin entrega karreta ba Vatikanu iha Nusiantura, Motael, Segunda (09/09).
Enkuantu, ekipa Vatikanu observa tiha karreta nia kondisaun no simu kedas dokumentus karreta nia no parte protokolu deside lori karreta sai mai iha edifisiu Nusiantura nia oin hodi hein oras desloka ba Aeroportu Internasional Nikolau Lobatu hodi simu Sua Santidade Papa Francisco.
Tuir observasaun badak husi Jornalista online INDEPENDENTE iha terenu nota katak, prosesu entrega karreta ne'e akompaña husi Reprezentante Santa Sé iha Timor-Leste Mensiñur Marcos Sprizzi, no mos Ekipa Vatikanu sira seluk.
Aleinde, akompaña husi parte seguransa sira kompstu husi F-FDTL, PNTL no Ekipa husi Saude ni’an.
Hafoin entrega, Komisaun Organizadora entrega karreta ba Vatikanu iha tuku 9:00 dader ne'e no dadaun karreta tolu ne'e sei iha hela edifisiu Nusiantura Apostóliku Motael hodi hein oras aranka ba Aeroportu.
Entretantu, tuir orariu ne’ebé mak iha katak Papa Francisco tuun iha Aeroportu Internasional Nikolau Lobatu iha tuku 14:10 Otl.
