“Maizumenus labarik sira ho idade entre 12 too menus husi 18 hamutuk na’in 37.509 mak simu ona vasina doze dahuluk, hahú iha loron 27 fulan-outubru 2021 too 14 fevereiru 2022. Nunee mós labarik na’in 30.126 iha grupu hanesan, simu ona sira nia doze daruak husi vasina ne'e,”dehan nia liu husi konferensia imprensa, iha salaun MSSI, Kaikoli, tersa nee (15/02).
Tanba nee, Ministeriu Saúde husu nafatin ba komunidade sira neebé simu vasina atu hakabesik aan ba fasilidade saúde neebé besik hodi simu vasina, nunee bele hadook aan husi moras Covid-19.
Ho nunee, husu mós ba populasaun sira atu nafatin mantein medidas ba prevensaun nian.
Entretantu, dadauk nee, total vasina Covid-19 hamutuk doze millaun 1.250.444 mak administra ona ba ema ho idade 18 ba leten neebé simu ona vasina doze dahuluk hamutuk 84,4% no doze daruak iha 71,2%.
Asistente Editor: Saturnina da Costa
