“atualmente to’o ohin dader update ikus, pasiente nain rua nulu (20) iha Vera Cruz ita observa tiha, ohin muda ona ba Tasi-Tolu,”dehan nia ba jornalista sira iha salaun MSSI, Kaikoli, tersa nee (15/02).
Nia hatutan, Ministeriu Saúde deside, hodi muda pasiente dengue neebé iha Vera Crus ba Tasi-Tolu tanba haree kazu pozitivu Covid-19 neebé kada loron aumenta ho númeru aas. .
Ho nunee, hahú iha loron 15 fevereiru 2022, Sentru Saúde Vera Cruz sei funsiona fali hanesan Izolamentu, hodi halo atendementu ba pasiente Covid-19.
Enkuantu, fatin internamentu Tasi-Tolu sei akumula deit pasiente sira neebé afeitadu ba dengue, liu-liu ba labarik sira.
Entretantu, tuir dadus husi Ministeriu Saúde liu husi Diresaun Departamentu Vijilansia Epidemolojia relata, too loron 15 fevereiru 2022, total kazu dengue iha teritoriu laran tomak hamutuk 2.114. Husi némeru nee, na’in 30 mak lakon vida.
