Programa distribuisaun sesta bázika ne’e, Ministériu Turismu, Komérsiu no Indústria kontrata ho kompaña Marobo Brother, Unipessoal Lda, hodi responsabel ba distribuisaun programa refere ba iha Suku Dare no Suku Lahane Oriental.
Tanba ne’e, empreza distribui uluk ba komunidade sira iha Suku Dare husi aldeia 10 ho totál benefisiáriu hamutuk 10.537 kompostu husi Aldeia Kasnafar ho benefisiáriu na’in 381, Cuolau I benefisiáriu 293, Cuolau II benefisiáriu 384, Fatunaba benefisiáriu 357, Fila Be ba Tua benefisiáriu 403, Figuira/Bouloc benefisiáriu 318, Leilaus benefisiáriu 333, Lemorana benefisiáriu 371, Nahaec benefisiáriu 620, no aldeia Suca Lau benefisiáriu 279.
Aleinde, Suku Lahane Ocidental kompostu husi aldeia 11 mak hanesan tuir mai, Aldeia Ainitas Hun benefisiáriu 598, Bedois benefisiáriu 571, Bela Vista benefisiáriu 758, Care Laran benefisiáriu 532, Correio benefisiáriu 612, Gomes Araujo benefisiáriu 506, Mota Ulun benefisiáriu 417, Hospital Militar benefisiáriu 566, Paiol benefisiáriu 708, aldeia Rai Cuac benefisiáriu 524, no aldeia Teca Hudi Laran benefisiáriu 1.006, husi suku Lahane Ocidental totál benefisiáriu.
Ho nune’e, durante distribuisaun iha produtu manutolun balu át no kompañia troka kedas, iha distribuisaun durante loron rua, komunidade husi Aldeia Nahaec no Fatunaba mak simu uluk sira nia direitu tuir dekretu lei númeru 10/2022, 4 de marsu.
Entretantu, Benefisiáriu Costodio da Conceição Mendonça “Loro” nuudar veteranus agradese tebes ba governu tanba iha polítika di’ak hodi fahe subsidiu oinoin ba povu.
“Ha’u kontente tanba governu lori produtu mai fahe ba ami, sasan sira ne’e barak tebes tanba produtu barak mai husi produtu rai-laran.” Veteranu Loro, hatete, iha komunikadu ne’ebé Online INDEPENDENTE, asesu, segunda ne’e (04/12).
Enkuantu, komunidade sira antusiasmu simu sesta básika, alende ne’e hetan seguransa husi autoridade polísia no autoridade lokál.
Produtu ne’ebé kompañia fahe ba komunidade 75% husi rai-laran/produtu lokál no 25% produtu importadu, produtu hamutuk unidade 18 bazeia ba kuotasaun kompostu husi produtu proteina, produtu Karboidatu no produtu ijiene pessoal.
