Kompañia Malvri Sai Manan Na’in ba Fornesementu Sistema Bee Moos iha Letefoho Featured

By Ivonia Varela Maiu 08, 2023 1404
Bee Timor-Leste, Empreza Públika (BTL,EP) asina akordu ho Kompañia Malvri Unipesoal, Lda, hodi fornese bee moos ba komunidade sira iha Postu Administrativu Letefoho, Munisipiu Ermera. Foto:Ivonia/INDEPENDENTE. Bee Timor-Leste, Empreza Públika (BTL,EP) asina akordu ho Kompañia Malvri Unipesoal, Lda, hodi fornese bee moos ba komunidade sira iha Postu Administrativu Letefoho, Munisipiu Ermera. Foto:Ivonia/INDEPENDENTE.

DILI: Bee Timor-Leste, Empreza Públika (BTL,EP) asina akordu ho Kompañia Malvri Unipesoal, Lda, hodi fornese bee moos ba komunidade sira iha Postu Administrativu Letefoho, Munisipiu Ermera.

Prezidente BTL,EP Carlos Peloi dos Reis hatete, fornesementu sistema bee moos ne’e sei benifisia ba suku tolu, iha Postu Administrativu refere.

Tanba ne’e, ho asina akordu ne’e, BTL,EP espera katak liu husi kompañia bele mobiliza ona ekipamentus tekniku sira atu nune’e bele hala’o servisu lalais ba komunidade sira.

Salaun Enkontru BTL.EP Kaikoli, Segunda (08/05).

“Suku tolu iha Postu Administrativu Letefoho ne'ebé sei benifisia ba Bee moos mak Suku katrai-kraik, Haufu no Dokurai,”dehan nia iha salaun enkontru BTL,EP, Kaikoli (08/05).

Tuir Prezidente, total populasaun husi suku tolu ne’e hamutuk 5.300 ho nia uma-kain hamutuk 900.

Aleinde, bee moos ne’e sei kanaliza mós ba iha fatin públiku sira hanesan, eskola, igreja, sede suku no mós sentru saúde sira.

Enkuantu, montante orsamentu ne'ebé aloka ba projetu refere hamutuk dolar amerikanu $835.054,69.

Iha fatin henesan, Xefi Suku Dukurai Rafael Soares Maia hato'o agradese ba Prezidenti BTL tanba bele ba to'o iha sira nia fatin hodi hare direitamente ba problema bee moos ne'ebé komunidade sira infrenta.

"Agradese tebes tanba proposta ne'ebé liga husi BTL ho tékniku sira ne'ebé mak survei ona fatin, no ba kompaña Malrvi ne'ebé hetan ona aprovasau husi BTL, ho nune'e  ha'u sei hamutuk ho suku rua seluk ami bele orienta no perpara  saida deit mak ohin kompaña rasik kompromete ona,"nia Esplika.

Iha biban ne'e mos, Diretor Kompaña Malrvi Unipesoal,Lda  Delio do Santos Martins hatete, Konpañia Malvri agradese ba administrador BTL ne'ebé fó fiar ona ba sira nia kompaña, tanba ne'e kompaña sei halo tuir kontratu ne'ebé iha.

Nune’e, kompromete katak hahú iha loron 09 fulan maio 2023, kompañia sira hala’o ona servisu tuir kontratu ne'ebé mak iha.

Rate this item
(0 votes)
Last modified on Kuarta, 10 Maiu 2023 16:34

Independente Digital TV