Xefi Departamentu Investigasaun Kriminal Nasional (DIKN), Superintendente Xefi Polisia, Jorge Monteiro hateten, komandu PNTL Munisipiu Baucau husi Departamentu Investigasaun Kriminal (DIK), detein sidadaun indonesia nain lima (5) tula ai kontrusaun kobiku 20 ho  ro husi illa Wetar ilegal, tama iha Teritoriu Timor-Leste.

Nia dehan, kazu tranzaksaun ai konstrusaun kobiku 20 akontese iha loron 03/05,sidadaun indonsia nain lima (5) transporta ho ro liu husi tasi tama  iha suku Mulia, Postu Administrativu Laga, Munisipiu Baucau atu halo kontratu ho sidadaun timor oan ida ho inisial J orijem iha suku Mulia.

“Sidadaun estranjeiru indonesia nain lima (5), dadaun ne’e ita segura ona iha komandu PNTL Munisipiu Baucau nia fatin hodi submete ba prosesu indentifikasaun ho timor oan nain ida ne’ebé halo tranzaksaun ai kontrusaun kobiku 20 tama ilegal iha baucau,” Dehan Jorge ba Jornalista sira iha komferensia Imprensa iha kuartel Jeral PNTL Kaikoli, (04/05).

Nia dehan, dadaun ne’e komandu PNTL munisipiu Baucau asegura ona ro no ai kontrusaun kobiku 20 ne’ebé sidadaun indonesia nain lima (5) halo tranzaksaun hodi halo prosesu investigasaun molok enkamika ba ministeriu Publiku.

“Hau atu dehan, kazu ida ne’e sei iha prosesu indentifikasaun, kuandu remata ona ita sei rejista iha Ministeiru Publiku, Munisipiu Buacau hodi kontinua prosesu, depois ita sei transmite mos informasaun ba adidu Polisia Indonesia nia iha timor-leste atu bele hatene situasaun ne’ebé akontese hodi akompaña sidadaun indonesia nain lima (5) ne’ebé envolve iha kazu tranzaksaun ai kontrusaun tama iha Timor-Leste ho ilegal,” hakotu nia.