Prezidente Komisaun E Deputadu Bankada CNRT Marcos Xavier hatete,liñas ministeriu sira tenke halo planu para ezekura orsamentu ne'ebé iha hela fundu infraestrutura nian tanba tinan ida ne'e ezekusaun kiik foin atinje 35%.
"Ita lalika fó sala ba KAFI agora liñas ministériu sira ne'e iha planu ka lae,ita tau orsamentu 2025 ne'e laos KAFI nia osan mesak mais ministériu ne'ebé mak iha tau hela osan iha kapitál dezenvolvimentu halo ba iha fundu entaun initiativa ne'e tenke donu de projetu liñas ministériu tenke halo planu para submete ba KAFI"dehan nia ba jornalista sira hafoin remata aprova relatoriu pareser iha PN horisehik (28/10).
Liñas ministériu tenke halo planu hodi submete ba KAFI hodi haree bainhira aprova bele implementa prosesu tenderizasaun kuandu iha ona kompaña manan nain mak bele halao projetu.
Maibé Nia dehan,se ministériu sira tur nono de'it la halo planu hodi haree de'it ministériu nia osan ne'ebé sira tau iha fundu infraestrutura nian ne'e atu nune'e para halo obra sira ne'ebé mak sira nia programa iha tiha ona.
"Ne'ebé ne'e laos sala KAFI nian mais liñas ministériu mak tenke halo planu halo liñas koordenasaun tenke iha para bele implementa obra sira ne'e"dehan nia.
Entrerantu ezekusaun orsamentu ba fundu infrastrutura 2024 foin atinji 35%, maibé iha Orsamentu jerál Estadu (OJE) 2025,Governu husu tan orsamentu valór montante $312.203,618, ba fundu Infraestrutura.
Molok ne'e,Ministru Planeamentu investimentu estratéziku Gestão Sousa hateten, prosesu ezekusaun orsamentu 2024, sei ki'ik, maibé ida ne'e Problema hanesan uluk nian, tanba molok atu remata tan fulan rua ne'e ezekusaun bele sa'e tan.
"Problema boot ne'ebé maka ami infrenta maka fundu infrastrutura nian tanba to'o ohin foin atinji 35% de'it, mai husi millaun, $301 ne'ebé atende bá projetu kada Ministériu iha Governu ida ne'e nia laran", Ministru Planeamentu investimentu estratéziku Gestão Sousa hateten bá Jornalista sira hafoin remata audensia ho Komisaun D iha Ex Edifisu Ministériu Finansas Sesta (25/10).
Nia haktuir, prosesu bá oin Governu garantia ezekusaun fundu infrastrutura ne'ebé sa'e ba 70% , tanba esperiénsia sira kada tinan nia lala'ok maka hanesan ne'e.
Tuir Proposta OJE 2024 nian ne'ebé Governu Preve ba iha fundu infrastrutura, millaun $301.354,787, fahe kategoria tolu salariu vensimentu $933,302, Bens Servisu, $421,485 no kapitál Dezenvolvimentu 300.000.000
Husi totál 2024 nian, ba iha tinan fiskal 2025 Governu aumenta millaun $10.848,831, iha fundu infrastrutura ne'e.
Nune'e nia dehan Orsamentu ne'ebé Preve bá tinan oin Millaun atus $3 resin, hodi kontinua halo dezenvolvimentu bá Infrastrutura kada Ministériu sira ninan.
Tanba ne'e nia husu bá Públiku tomak atu akompaña projetu, hodi aselera hodi kualidade sira atu nune'e atinji ezekusaun ne'e tuir objetivu Governu nian.
"Programa fundu infrastrutura sira maka barak hanesan estrada, Aeroportu nune'e mós rekursu Minerais no sira seluk haree ba fundu infrastrutura, halo dezenvolvimentu iha Kosta súl hodi bele atende Dezenvolvimentu Greater sunrise nian"dehan nia.
Nia haktuir nune'e mós halo dezenvolvimentu bá Ekonómia, Saúde, edukasaun, área Minerais Pedroliu nian, área direitu nian liu-liu iha setór justisa nian.
Tanab ne'e tuir Proposta Orsamentu 2025 ne'ebé Governu prevee ba fundu infrastrutura ho valór totál orsamentu millaun $312.203,618, fahe de'it ba kategoria haat hanesan salariu vensimentu $932.134, Bens Servisu $.471.484, kapitál Menor $50.000, kapitál Dezenvolvimentu $310.750,000.
Ho programa jestaun finansas públika, aloka de'it ba kategoria kapitál dezenvolvimentu $3.500,000, ba programa kultura patronomio mós aloka de'it kategoria kapitál Dezenvolvimentu $1.920,000.
Ba programa estrada no pontes aloka de'it ba kategoria salariu vensimentu $140.653,453, programa Dezenvolvimentu Rural no Urbana aloka ba kategoria salariu vensimentu $4.282,319. Programa aprosima servisu iha tribunais ba populasaun $.aloka de'it kategoria kapitál Dezenvolvimentu $2.368,290.
Programa seguransa Nasionál mós aloka de'it ba kategoria kapitál Dezenvolvimentu ho valór totál orsamentu $1.665,708, ba programa asesu justisa no alokadu ba kategoria kapitál Dezenvolvimentu $300.000. programa garantia ba liberdade expresaun no asesu informasaun, alokadu ba kategoria kapitál Dezenvolvimentu $106,940.
Programa funsionamentu dezenvolvimentu institusionál ho valór totál orsamentu $9.650,684, fahe ba kategoria haat hanesan salariu vensimentu $932,134, Bens Servisu $471.484, kapitál Menor $50.000, kapitál Dezenvolvimentu $8.197,066. Programa ensinu báziku alokadu kategoria kapitál Dezenvolvimentu ho valór totál orsamentu $1.322.776.
Programa ensinu sekundaria jerál tekníku vokasionál tau iha kategoria kapitál Dezenvolvimentu ho totál orsamentu $1.390,980, programa kuidadu saúde primeiru tau iha kapitál dezenvolvimentu $3.809.341
Programa kuidadu saúde sekundariu no terseiru tau mós kategoria kapitál Dezenvolvimentu $3.800,000.
Programa Agua no Saneamentu tau iha kategoria kapitál Dezenvolvimentu ho valór totál orsamentu $3.826,184, Programa Eletrisidade tau mós iha kategoria kapitál Dezenvolvimentu $8.537.660, programa Aeroportu iha kategoria kapitál Dezenvolvimentu $29.645,269. Programa portus iha kategoria kapitál Dezenvolvimentu $779,932.
Programa manutensaun, rehabilitasaun no resposta danifikada pur kalamidades aloka ba kategoria kapitál Dezenvolvimentu $23.986,805, programa inkluzaun sosiál $. Iha kategoria kapitál Dezenvolvimentu $1.478,705, programa turizmu tau iha kategoria kapitál Dezenvolvimentu $1.984,112.
Programa investimentu diversifikasaun ekonómiku tau iha kategoria kapitál Dezenvolvimentu $4.598,794.
Programa ordenamentu territóriu iha kategoria kapitál Dezenvolvimentu $1.029,849, programa teknolojia informasaun no komunikasaun tau iha kategoria kapitál Dezenvolvimentu $2.496,704, Programa implementasaun projetu tasi mane iha paíz Kosta súl tau iha kategoria kapitál Dezenvolvimentu $40,500.000.
Programa Agrikultura no Hortikultura, Kafé no plantas industria no anuais tau iha kategoria kapitál Dezenvolvimentu $16.622,322, programa tuir ikus nian maka Peskas,Aquicultura, no jestaun rekursu akuatiku tau iha kategoria kapitál Dezenvolvimentu $150,000.
