Ministra Edukasaun Dulce de Jesus Soares hateten, manorin sira iha teritoriu laran tomak hamutuk rihun sanolu resin hitu, ne’ebé hala’o ona sira nia knaar ho di’ak, maske sira hasoru dezafiu oioin. Maibé sira kontinua hala’o sira nia knar hanesan manorin.

Tanba ne’e, Governu kontinua tau atensaun hodi hadi’a bem estar manorin sira nian, inklui konstrui fasilidade ba eskola sira, atu nune’e bele eleva kualidade edukasaun iha Timor-Leste.

“Governu kontinua tau atensaun atu kontinua hadi’a vida profesores sira nian ba bem estar, nune’e mós kontinua konstrui fasilidade sira bá eskola sira, atu nune’e prosesu aprendizajem eduka povu Timor nia oan bele la’o diak liu tan, ikus bele hetan edukasaun ne’ebé kualidade hanesan nasaun sira seluk,” dehan Ministra, iha Salaun INFORDEPE, Balide, Dili, (29/10/24).  

Governante ne’e afirma, atu dignifika manorin sira mak, iha tinan ida ne’e, governu sei kontinua implementa projetu komunitaria ba eskola sira iha teritoriu Timor-Leste, liliu konstrui rezidensia ba manorin sira,

Maibé programa ne’e, ministeriu sei fó prioridade liu ba manorin foun sira ne’ebé foin koloka ba iha área remotas sira.