Nia haktuir, iha loron mundial dehan bee mak moris, tanba ohin loron ne'e nasaun Timor-Leste prega hela stunting 47%, mal nutrisaun aas tebetebes. Buat sira ne'e hotu fator ida ne'ebé importante tebes maka  problema bee, ne'e mak komunidade konsumu ladun moos no ladun nutritivu, tanba ne'e mak nia kontribui maka'as ba problema stuting no mal nutrisaun.

"Koalia kona-ba bee iha planu estratejiku dezenvolvimentu nasional, governu tau ona planu oinsa importansia ba bee, oinsa direitu ita nia sidadaun hotu-hotu atu asesu bee, oinsa iha politika saneamentu ho bee ne'ebé mak diak," dehan nia, iha Salaun CNE, Kolmera, horisehik.

Ikus mak oinsa halo kanalizasaun ba bee ne'ebé mak sustentavel no saudavel, ne'e la'ós de'it problema bee, maibe kualidade bee ba komunidade hotu iha territóriu.

Ho situasaun sira ne'e mak governu hatuur instituisaun sira ne'ebé importante atu tau matan ba bee moos, hanesan Bee Timor-Leste (BTL), ANAS, iha liu ba iha ona enkontru interministerial hodi haree kona-ba bee inklui estatal nemak haree estrutura iha suku no aldeia iha baze.

Tanba problema maka dala ruma sosiedade ladun kuidadu bee dalan no pipa sira ne'ebé mak dada liu ba sira estraga tiha, maibe ne'e mós problema tanba sira presiza bee.

"Timor-Leste kuaze tinan 20 resin ona, mais sidauk rezolve problema bee, tanba ne'e mak ohin selebra loron bee mundial, mais oinsa atu refleta ba ita nia responsabilidade katak ita sidauk fornese bee. Tanba ita hotu sidauk kuidadu didi'ak bee, depois de estragus iha ai+laran ne'ebé mak uluk dehan liu ba lulik bee matan lulik sira ikus ema laiha respeita estragus barak ikus bee barak mak maran," nia Fundamenta.

Assanami afirma, apresia ba Organizasaun naun governamental (ONG) PERMATIL ne'ebé ho ekipa sira seluk, ne'ebé mak konsentra ba konservasaun bee, hodi haree no kontrola fila-fali ba bee matan sira iha fatin-fatin.