Enkuantu, iha abertura ne’e segundu komandante Komponente Naval, Kapitaun Fragata Guido da Silva hateten, Komandu komponente naval selesiona membro na’in 107 ba Forsa Espesiais Naval ka Korpo Komando Fuzileiros.

Ho nune’e, Kapitaun Fragata ne’e husu mós ba membru selesionadu sira ne’ebe oras ne’e dadaun tama ona ba formasaun Forsa espesiais Naval ou Korpu Komandu Fuzileirus nian atu iha vontade, passiensia no disiplina iha durante kursu formasaun ba Forsa espesiais Naval.

“Nudar Segundu komandante hakarak fo ha’u nia parabens ba imi hotu, tanba imi mak selesionadu hodi bele ultrapasa situasaun hotu atu bele sai Forsa Espesiais Naval nian,”Online INDEPENDENTE sita iha komunikadu.

“Hakarak husu ba membru Fuzileirus rekruta sira laiha instrusaun ida mak todan liu no labele liu maibé buat hotu sei kama’an ba ita, se bainhira ita uja ita nia kakutak hodi bele hala’o intrusaun ne’e to’o remata,”tenik nia.

Entretantu, Kapitaun fragata husu nafatin ba membrus rekruta ba Korpu Komandu Fuzileirus atu labele rona ema seluk hodi halo sira atu lakon esperansa ka lakon fiar hodi hala’o sira nia espesialidade, maibé fiar-an pasiensia hodi bele hala’o intrusaunn ne’e ho susesu.

Iha abertura formasaun ba Korpu komandu Fuzileirus ne’e hetan partisipasaun husi Adidu Defeza Australia, Adjuntu Adidu DCP, Asesor Portugal no Xefe Estadu Maior Komponente Naval inklui Komandante Interinu Korpu Komandu Fuzileirus Naval.