Kardeal Fó Posse ba Dirijente Na’in 14 Husi UC Featured

By Ivonia Varela Maiu 27, 2023 219
Dirijente nain 14 husi UCT ne'ebe simu ona pose foto hamutuk ho ArseBispo Metropolitanu Dili, Kardeal Dom Virgilio do Carmo da Silva, SDB, iha Salaun Novbre da Paz UCT, sesta (26/05). Foto:INDEPENDENTE/Ivonia. Dirijente nain 14 husi UCT ne'ebe simu ona pose foto hamutuk ho ArseBispo Metropolitanu Dili, Kardeal Dom Virgilio do Carmo da Silva, SDB, iha Salaun Novbre da Paz UCT, sesta (26/05). Foto:INDEPENDENTE/Ivonia.

 

DILI: ArseBispo Metropolitanu Dili, Kardeal Dom Virgilio do Carmo da Silva, SDB, fó pose ba dirijente na’in 14 husi Universidade Katolika Timorense (UCT-Sigla Portugés).

Kardeal Dom Virgilio, hatete, dirijente sira ne’ebé simu ona responsabilidad, iha obrigasaun atu kontinua sai ai-riin ba universidade refere.

"Ekipa dirijente no dosentes ne'ebé simu ona tomada de pose ne'e kompleta tan istória universidade nian,”dehan nia iha Salaun Novbre da Paz UCT, sesta (26/05).

Dom Virgilio esplika, profesores sira nia dedikasaun, sira nia sakrifisiu mak hamutuk bele hakiak ambiente ne'ebé di'ak iha Universidade.

Atu nun’e, bele oferese ba sosiedade no nasaun nia di'ak ho ema sira ne’ebé ho kualidade tuir universidade ninia vizaun rasik.

Iha biban ne’e mós Kardeal fó parabens no agradese ba dirijente sira ne’ebé simu ona responsabilidade, ne’ebé hola parte mós ba iha universidade refere.

Entretantu, Koodenador Kursu Enfermajen, Sezário Monteiro Ruas hatete, simu knar foun ne'e atu bele hala'o servisu hodi atende nesesidade estudante sira nia liliu iha kursu enfermajen nian.

Rate this item
(0 votes)

Independente Digital TV