Xefi Estadu Maior Jenerál F-FDTL Domingos Raúl “Falur Rate Laek”, agradese ba esforsu Governu ne’ebé sempre tau matan ba instituisaun F-FDTL hodi dezenvolve aan sai Forsa modernu.

“Ha’u agradese ba esforsu señor Ministru nian ne’ebé ho esforsu oioin atu apoia instituisaun F-FDTL, enternus rekursu umanu no material, ida ne’e duni mak Ita boot nia palavra de ondra" ne’ebé hahú tau matan ba F-FDTL tanba hanesan Xefe Estadu Maior Jenerál F-FDTL husu ba militár sira hatudu komportamentu ne’ebé di’ak tau iha prátika hodi kuidadu materiál ne’ebé Governu fó ba F-FDTL,”dehan Komunikadu ne’ebé Online INDEPENDENTE sita iha pajina Ofisial Relasaun Informasaun Públika F-FDTL, sabado ne’e (25/01/25).

Tenente Jenerál Falur Rate Laek husu ba militár sira hotu atu hatudu hahalok di’ak, disiplina tau iha prátika atividade loro-loron atu kuidadu materiál sira ne’e ho di’ak ho responsavél, nune’e povu nafatin tau konfiansa ba F-FDTL.

Ministru Defeza Kontra Almirante Donaciano Costa Gomes PhD. "PEDRO KLAMAR FUIK" hateten, armas ne’ebé entrega ba Komando F-FDTL ho tipu tolu hanesan Metralladora M249, Matralladora M60E6, no munisoens ho tipu Bala Real M4, Bala Real ho Pita, Bala Pistola Real Glock 45, Bala Pistola Real Glock 23.

“Ha’u husu ba Komandu F-FDTL li-liu militár sira atu kuidadu sasan sira ne’ebé mak governu entrega ona hodi uza ba nesesidade Instituisaun ho responsablidade, Governu iha obrigasaun atu halo invetimentu ba militár oinsá atu moderniza nune’e Instituisaun F-FDTL bele dezenvolve aan di’ak liu tán sai Instituisaun ne’ebé servi Estadu povu ho profisional,”dehan Ministru Defeza.

Armamentu militár ne’e Governu halo akizisaun uza orsamentu 2023 ne’ebé preve ona iha lei programasaun militár.

Entretantu, iha fatin hanesan halo mós Espozisaun ba instalasaun ba bairo militár iha futuru sei halo konstrusaun.