Sekretáriu Estadu Floresta hatete, projetu ne’ebé KOICA aprejenta mak Proposta ba Projetu Hamatak rai (Re-Penghijauan kembali) iha Timor Leste, projetu ne’e nia implementa ho durasaun tinan lima
(5), hahu husi tinan 2025 to’o 2029 ho total orsamentu hamutuk dolar amerikanu millaun $8.
Tanba ne’e, Sekretáriu Estadu dehan, Governu Timor-Leste sei halo kooperasun di’ak ho ajensia sira hotu no mós ajensia husi Korea, tanba durante ne’e komunidade Timor-Leste ho Komunidade Korea iha ligasaun no komunikasaun di’ak tebes.
“Projetu ne’e ami aseita ona maibé presiza halo tuir mós hanesan Projetu Asian Forest Cooperation and Organization (AfoCO) nian, atu nune’e Governu mak implementa no jere orsamentu ba projetu refere,”Online INDEPENDENTE sita iha komunkadu, (28/08).
Aleinde ne’e mós, Governu bele halo monitorizasaun ba implementasaun projetu sira ne’ebé parseiru ho Governu Timor-Leste halo.
Ho nune’e, Sekretáriu Estadu Floresta, sujere ba Country Director KOICA ne’ebé iha Timor-Leste, atu bele kopera di’ak no mós halo tuir programa AFoCO nian hodi fó kompetensia tomak ba Governu Timor-Leste mak jere projetu no Orsamentu hotu.
Atu Timor-Leste labele sai nafatin material ida ba ajensai sira nia programa.
Tuir SEF katak, sira preokupa, tanba tuir esperensia durante tinan barak ona, ajensia sira mai implementa nia programa iha Timor-Leste, maibé Timor-oan nafatin sai material hodi uja nia fiziku maibé la’os Timor-oan mak implementa, tanba ne’e SEF husu ba ajensia hotu karik atu implementa programa ruma hodi halo parseiru dezenvolvimentu ho Governu, tenke fó kompetensia tomak ba Governu mak bele implementa husi hahú to’o remata, atu nu’une Governu bele halo monitorizasaun ba nia implementasun projetu refere.
