Proposta deliberasaun hodi autoriza realizasaun kontratu subvensaun ba transferensia provizaun husi OJE ne’e aprezenta husi Ministru Obras Públikas, Samuel Marçal.
“Hafoin aprezentasaun kona-ba rezultadu husi projetu sira setór eletrisidade nian ne’ebé dezenvolve ona husi fulan-juñu tinan 2023 to’o fulan-dezembru 2024, nune’e mós planu orsamentál ba tinan 2025 Eletrisidade Timor-Leste, EP (EDTL, EP) nian, KM delibera hodi autoriza realizasaun despeza ba kontratu subvensaun ba transferénsia provizaun hosi Orsamentu Jerál Estadu (OJE), iha Programa MOP “802 Eletrisidade” ba EDTL, EP, ho valór totál dolar amerikanu millaun $66,5,”dehan Komunikadu ne’ebé Online INDEPENDENTE asesu, iha Pajina Portal Governu, Kuarta (12/02/25).
Entretantu, montante ne’e, ho objetivu atu garante rekursus nesesárius ba EDTL, EP, entidade ida ne’ebé superviziona husi MOP, hodi garante fornesimentu enerjia elétrika iha territóriu nasionál tomak, servisu públiku ida ne’ebé esensiál ba populasaun no ekonomia país nian.
