Tuir Komunikadu ne’ebé Online INDEPENDENTE asesu katak, projetu proposta Lei ida-ne'e hetan ona aprovasaun hosi Konsellu Ministrus iha sorumutu loron 20 fulan-Marsu tinan 2024 nian no haruka ona ba Parlamentu Nasionál.
“Maibé, durante prosesu lejizlativu, identifika ona nesesidade atu halo revizaun, nune’e diploma ne’e limitadu ba aspetu mínimu sira ne’ebé ezije husi kompromisu internasionál sira, ne’ebé lori ba elaborasaun proposta foun ida,” dehan komunikadu ne’ebé Online INDEPENDENTE asesu Portal Governu Timor-Leste, Kuarta (12/02).
Komunikadu ne’e haktuir tan katak, Kriasaun Kódigu Propriedade Industriál hanesan rekizitu ida iha ámbitu adezaun Timor-Leste ba Organizasaun Mundiál Komérsiu (OMK) no integrasaun ba ASEAN.
Prosesu sira-ne'e ezije kumprimentu ba Akordu OMK nian kona-ba Aspetus Direitus Propriedade Intelektuál Relasionadus ho Komérsiu (TRIPS) no armonizasaun ho dispozisaun sira hosi konvensaun internasionál sira ne'ebé regula hosi Organizasaun Mundiál bá Propriedade Intelektuál.
