Konsellu Ministrus apresia ona aprezentasaun ida kona-ba prosesu no rotelru ba rekrutamentu profesór sira, ne’ebé aprezenta husi MEJD, aprezentasaun ne’e inklui informasaun ruma kona-ba númeru profesór sira ne'ebé iha no prevízaun kona-ba rekrutamentu iha tempu badak.
Lia hirak ne’e hato’o husi Ministru Prezidensiál Konsellu Ministru, Fidelis Manuel Leite Magalhaes, iha Palasiu Governu, horisehik.
"Objetivu husi ida ne'e atu rekruta hirak ne'ebé oras ne'e hanesan profesór voluntariu sira atu bele rekruta sira, ne’e ideia sira ne'ebé Ministériu Edukasaun iha, mas medida sira atu hola ne'e kabe ba iha kompetensia ne'ebé lei atribui ba iha MEJD rasik," dehan nia.
Ho ida ne'e, Konsellu Ministru apresia aprezentasaun ne'ebé husu para ministériu edukasaun bele foti medida sira tuir lei haruka ka medida hirak ne'ebé mak lei permite atu haho.
