Ministru Prezidensial Konsellu Ministru Fidelis Leite Magalhãe, hatete, objetivu husi diploma ida-ne’e, atu armoniza Dekretu-Lei n.23/2014, loron 3 fulan-setembru, ne’ebé aprova Estatutu INCT, ho Dekretu-Lei n.30/2020.
“Projetu ne’e prevee mós ba kriasaun Komisaun étika foun no diresaun nasionál foun sira no mós sira nia unidade peskiza ida-idak,”dehan nia iha Palasiu Governu, kuarta (11/01).
Ho nune’e, hala’o mós adekuasaun ida ne’ebé di’ak liu atu kontinua halo ninia knaar sira ba defeza siénsia no dezenvolvimentu Timor-Leste.
Entretantu, Konsellu Ministru halo mós alterasaun dahuluk ba Dekretu-Lei n. 22/2016, loron 22 fulan-juñu, ne’ebé aprova Rejime Jurídiku kona-ba Depózitu legál publikasaun iha Timor-Leste.
Nune’e, ho projetu diploma ida-ne’e, atribui ona ba Institutu Nasionál Siénsia no Teknolojia responsabilidade ida, ho forma tranzitória ka temporária, hodi jere Servisu Depózitu Legál uainhira Biblioteka Nasionál Timor-Leste la hahú ninia funsionamentu ho efetivu.
