Vise Ministru Administrasaun Estatal (MAE) Lino de Jesus Torrezão, hateten, UKL ne’ebé MAE liu husi Programa Nasional Desenvolvementu Suku (PNDS) implementa, dadauk ne’e balun konklui ona no balun seidauk.
Nia dehan, ida ne’ebé seidauk konklui ne’e tanba, asesu dalan ka estrada ho kondisaun ladiak atu transporta material konstrusaun ba.
“Tanba ne'e, kompañia ne’ebé sai fornesedor atu fornese material konstrusaun UKL ba benefisariu sira, susar uituan tanba asesu ba estrada ho kondisaun a'at, " dehan nia ba Online INDEPENDENTE, iha Palacio Governu, Kuarta ne’e (11/01).
Entretantu nia dehan, tuir dadus total UKL faze dahuluk iha teritoriu laran tomak hamutuk 1.254 ho nia orsamentu hamutuk dolar amerikanu millaun $25.
