KM Aprova Alterasaun Datoluk Estatutu Kombatente Libertasaun Nasionál Featured

By Mariano Mendonca Marsu 24, 2024 219
Reuniaun Konsellu Ministru, ne'ebe diriji husi Primeiru Ministru, Kay Rala Xanana Gusmao, iha Palasiu Governu. Foto:Dok. Reuniaun Konsellu Ministru, ne'ebe diriji husi Primeiru Ministru, Kay Rala Xanana Gusmao, iha Palasiu Governu. Foto:Dok.

DILI: Konsellu Ministru (KM) rona no aprova ona projetu Proposta Lei ba alterasaun datoluk Lei númeru 3/2006, iha 12 Abríl, kona-ba Estatutu Kombatente Libertasaun Nasionál, ne’ebé aprezenta husi Ministru Asuntu Kombatente Libertasaun Nasionál (MAKLN), Gil da Costa Monteiro “Oan Soru”.

Objetivu husi proposta lei ne’e maka atu promove rekoñesimentu ofisiál ba veteranu no kombatente libertasaun nasionál, liu husi atribui kondekorasaun no aktu rekoñesimentu sira seluk ba ema sira ne’ebé luta ba país ne’e durante períodu perturbadu luta ba independénsia no soberania nasionál, liu-liu husi tinan 1975 to’o 1978, ne’ebé korresponde ba períodu Baze Apoiu nian.

"Deliberasaun liga ho Estatuta Kombatente Libertasaun Nasionál lei númeru 3/2006 ninian ne'ebé ke mai ho inisiativa lubuk ida tanba ne'e Proposta da Lei bá Alterasaun Estatutu Kombatente Libertasaun Nasionál purtantu ohin Konsellu Ministru halo apresiasaun bá aprezentasaun inisiativa Alterasaun lei ne'e nian," dehan Vise Ministru Asuntu Parlamentár, Aderito Hugo da Costa, iha Palásiu Governu, horisehik.

Nia dehan, tanba ne'e Proposta lei Alterasaun entaun Aprovasaun iha konsellu Ministru no sei Prepara para submete bá Parlamentu Nasional nune'e Parlamentu loke audensia bá Públiku no halo aprovasaun bá inisiativa ne'ebé MAKLN Aprezenta.

Depois de halo avaliasaun ba lei ezistente ho Alterasaun sira ne'ebé halo ona haree husi prátika sira para atu kontinua fonalizasaun bá rejista bá benefisiariu sira no sobrevivente sira einrelasaun ho lei ne'e haree bá prátika implentasaun lei ne'e nian iha tinan barak nia laran.

Bá rejista sira sobrevivente no Veteranu Kombatente sira iha 2003 ne'ebé ke Implenta hotu ona sei akompaña nafatin hela rejista reklamasaun sira mai iha 2000 no depois akompaña mós bá Verifikasaun rejistu 2009 nian ne'ebé ke prezidente konsellu Veteranu ho MAKLN halo hela serbisu ba Verifikasaun dadus bá 2029 ninian kuandu hein hela ka aguarda hela prosesu finalizasaun lista ida ne'e ninian.

Haree mós bá asuntu sira liga ho lei nian lei Estatutu Kombatente Libertasaun Nasionál tan ne'e mak halo aprezentasaun ida ne'e husu MAKLN atu halo Alterasaun para depois rezolve dala ida de'it kuandu iha Verifikasaun sira hotu ona ba rejistu 2009 nian no ba reklamasaun 2003 nian ne'ebé ke mai iha 10 mill númeru reklamante.

Proposta ne'e mós ho objetivu atu korrije lakunas iha lejizlasaun atuál kona-ba atribuisaun pensaun ba família Martires Libertasaun Pátria, no mós rezolve problema sira iha implementasaun pensaun pekuniária únika no altera estrutura reprezentativa Kombatentes Libertasaun Nasionál nian hodi kontribui ba armonia sosiál no estabilidade polítika nasionál.

Rate this item
(0 votes)
Last modified on Segunda, 25 Marsu 2024 17:23

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30