Tuir komunikadu ne’ebé Online INDEPENDENTEassu iha pajian Gabinete Primeiru Ministru, haktuir, hafoin remata enkontru ho Diretór Banku Mundiál, Ministru Planeamentu no Investimentu Estratéjiku (MPIE), Gastão Francisco de Sousa informa, enkontru ne’e hodi atualiza programa governu nian hodi foka ba área prioridade tolu hanesan, dezenvolvimentu infraestrutura setór edukasaun, saùde no programa bee moos nian, maibé ba área bee moos no saúde nian, Xefe Governu husu adia projetu balun hodi buka hadia lai sistema servisu sira.

Orsamentu ba fundus imprestimu hosi Banku Mundiál (Work Bank) ne’e rasik governu foti ona iha tinan 2021 no 2022, maibé too agora seidauk implementa hodi halo projetu barak la’o paradu.

“Enkontru ho work bank ho Primeiru Ministru Xanana, ami deskute asuntu tolu kona ba emprestimu iha área bee moos nian, no área saúde no edukasaun. Ami troka hanoin, tanba fundus emprestimu ita hao durante ne’e laiha estudu ida diak, ita husu osan no halo deit projetu Baraka paradu kedas husi 2001 to’o 2022 projetu barak la halo. Tanba ne’e maka primeiru Ministru informa katak, kona ba projetu bee moos nian lebele avansa lai, hein tenki hao didiak lai, no saúde ita hein preparasaun orsamentu 2025 foin ita deside projetu atu la’o oin nusa no kona ba edukasaun ami sei hela planu asaun annual husi Ministeriu Edukasaun,” haktuir komunikadu ne’ebé Online ne’e sita.

Entretantu, kona-ba itema orsamentu hosi fundus imprestimu ne’e, Ministru Gastão klarifika, seidauk ko’alia osan hirak maka sei uza, tanba prosesu deskusaun foin maka hala’o hodi hein ministériu relevante sira informa relatòriu ba xefe governu maka sei deside.

Enkuantu, projetu bee moos tuir planu governu nian, sei halo iha Dili Leste, Dili Weste no Munisipiu Baukau no fatin seluk tan. Enkuandu saúde no edukasaun sei implementa iha área importante sira ne’ebé governu hala’o ona indentifikasaun iha terenu.