Presidente KI
DILI:Prezidente Konsellu Imprensa Virgílio da Silva Guterres husu públiku atu respeita knaar jornalista, nune'e bele garantia informasaun ba públiku ho di'ak.
Virgílio husu tanba dala ruma iha pesoál ka instituisaun estadu nian balun, seidauk komprende servisu jornalista nian, bainhira rekolla informasaun iha terrenu sei mosu dezintedimentu.
“Ha'u husu públiku tenke respeita servisu jornalista nune'e sira bele hala’o sira nia servisu ho di'ak, liuliu bele garantia no promove liberdade imprensa ho di'ak liu tan’’, hateten Virgílio Guterres.
Iha intervensaun, Prezidente KI kontinua husu públiku liuliu instituisaun estadu atu labele subar informasaun ba jornalista sira no presiza kolabora malu di'ak liu tan.
Oras ne’e daudaun, KI rejista jornalista timoroan hamutuk na'in 216 ne’ebé servisu iha órgaun komunikasaun sosiál sira iha TL.
Online Independente
Avenida Delta, Hudi Laran, Dom Aleixo
Dili, Timor-Leste
Jornalista:
Ivonia Varela
Kontaktu:
(+670) 77358204
(+670) 78579261
