Prezidente Komisaun Terras Propriedade, Pascoal da Costa hatete, kazu rai iha Bekusi ne’ebé afeta ba uma-kain 7  hodi sai polémika iha públiku, tanba intervensaun husi Primeiru Ministru Kay Rala Xanana Gusmão.

“Husu ba deskulpa ba media sira, tanba la rejistu iha Komisaun Terras Propriedade, maibé sira lori kazu ne'e direita ba tribuánl, tanba ne'e mak ami la iha konesimentu kona-ba kazu rai iha Bekusi no Aimeti-laran,” Dehan nia, Iha Otél Timor, Tersa (12/12).

Nia haktuir, neste momentu iha Timor, fatin rejista ba disputa rai ne'e iha Komisaun Terras Propriedade no tribunál katak bainhira  kazu ida-ne'e bele divolve ona ka seidauk, arkiva, pedente hela. Tribunál bele haruka mai Komisaun Terras atu haree ba kazu ne'e.

Nia  afirma, tanba Terras Propriedade nia kompozisaun ne'e mai husi jurista na’in-6 ho téknika espesialista nain-tolu.Tanba ne'e mak nia kompozisaun ne'e klaru tebes.

Nia fundamenta, maibé lolos ne'e kona-ba disputa rai ne'e mai rejistu iha Komisaun Terras propriedade atu bele buka solusaun.

“Ha'u la’os dehan katak tribunal la diak, maibe jurista sira hatene kona-ba lejislatura no lei sira-ne'e, maibe Komisaun Terras Propriedade mos la taka dalan ba rejistu iha ne'e,” Nia relata.