Dom Virgilio hateten, krime ne'ebé mosu ne'e tanba mai husi tua, hemu tua barak, hader bu'at sira ne'e hotu ikus mai kria violensia ne'ebé iha rai laran liu-liu iha tempu sira liu ba Natál no Anu Novu ne'e rona akontese.

"Maski sei naran sá liu, maibé violensia sei mosu nafatin, ne'e duni ita husu nafatin maski Natál mak liu,Tinan foun ona husik mai ita husik buat sira be ita nia kulturá baku malu no odiu malu nian, oho malu, dadik sira ne'e koko husik ho tinan tuan, agora mai ita hakat bá oin ho paz, Unidade," dehan nia, iha Sala Konferesia Episkupal Lesidere, horisehik.

Nia hatutan, hakat ba oin 2024 ne'e konvida familia joven hotu-hotu hakat bá oin ne'e ho hakarak ida de'it Timor ne'e sai duni fatin ida Timor oan bele hatene hadomi malu respeita no perdua malu.

"Ida ne'e de'it mak bainhira ita ko'alia kona-ba damen, bainhira ita hatene respeita no hatene haraik aan bá malu no ita bele perdua bá malu," nia akresenta.

Nia salienta, maibé sei iha Timor-Leste mak kontinua buka atu hatun malu nafatin, sadik nafatin la hatene perdua no hakraik aan bá malu, maka sei labele mehi kona-ba Dezenvolvimentu no progresu iha rai laran ne'e susar liu.

"Progresu atu hahu ne'e bainhira iha paz, ne'e duni mai ita 2024 tinan foun tinan grasa ninian ita hanoin katak importante tebtebes ba ita Timor oan hotu mai ita

nakloke bá grasa hotu, entaun ita tenke kolabora bá paz no Unidade iha rai ida ne'e depende bá ita hotu," nia dehan.

Nia fundamenta, hahú husi ki'ikuan to'o katuas hotu-hotu responsavel ba iha ida ne'e, ne'e duni husu hotu-hotu hakaas aan atu kontribui ba iha pás. Dala ida tan hakarak mensajen dala ida tan 2024 nian ba timoroan hotu.

Joven sira haree estuda ne'e importante, hahu tinan foun ne'e labarik joven sira tenke fó aan bá estuda tanba edukasaun mak xave atu bele hadia rai ida ne'e, tan ne'e mai kolabora fó aan estuda, la'ós violensia mak hodi rezolve problema. maibé hodi edukasaun, estuda mak bele kontribui ba dezenvolvimentu.