“Ha’u espera katak iha tempu oin mai membru governu sei hetan pose, tanba presiza halo servisu di’ak liu”, dehan nia, iha Palásiu Prezidensiál Bairru-Pité, horisehik.

Nia esplika, Governu halo esforsu maka’as atu atividade no programa hotu-hotu bele la’o di’ak.

Nia akresenta, Primeiru Ministru rasik preokupa tanba ne’e governu kontinua nafatin ho Prezidente Repúblika no lider sira hotu ne’ebé iha ligasaun ho asuntu ne’e atu ultrapasa.

“Ha’u iha esperansa katak Timor ukun aan 16, maibé maturidade ne’e iha to’o momentu ida, ita hotu sei hanoin katak laiha dalan seluk. Hotu-hotu tenke hamutuk tanba objetivu boot ita-nia maka bem estar sidadaun sira nian, estabilidade ita nia nasaun nian”, tenik nia.

Entretantu, Prezidente Repúblika hateten kandidatu membru governu na’in sia ne’ebé seidauk simu pose husi Prezidente Repúblika ne’e husu ba AMP katak bainhira loos maka Prezidente Repúblika fó pose ba sira, depois halo tiha kanselamentu viajen Prezidente Repúblika nian dala barak.