Komisariu KAK Sergio Hornai hateten, hamutuk ho instituisaun sira seluk hanesan Provedor Direitus Umanus, sosiedade sivil enjeral inkluindu média espera, atribuisaun subsídiu $200 ba benefisiariu sira komesa hahu dadauk, estrutura sira tomak atu bele halo intepretasaun ho loos no tebtebes ba duni dekretu lei ne'ebé define ona.
"Kona-ba subsidiu $200 ne'e ita seidauk iha relatóriu karik tama, tanba loron hirak ne'e ha'u mós preoukupadu loos iha ha'u nia meza seidauk iha relatoriu ruma," dehan nia, iha Ministeriu Finansas, Sesta (9/12).
Nia fundamenta, informasaun notísia kriminál sira sempre tama, see tama husi ne'ebà unidade informasaun seguransa hamutuk ho diresaun prevensaun nian sei halo análiza atu haree rekomendasaun imediatu atu hato'o ba iha sekretáriadu tekniku ka governu atu halo melloramentu ka iha medida seluk ne'ebé KAK tenke haree.
Husi governu atu atribui subsidiu ne'e ba iha benefisiáriu sira, dalan ida mak sira presiza iha giaun ida ne'ebé orientá sira, hanoin katak giaun ne'e iha ona sekretáriadu tekniku responsavel ba iha atribuisaun direitu subsídiu $200 sira halo ona no estabelese halo kontrolu orienta serbisu sira to'o iha xefe suku no aldeia.
Nune'e, entre serbisu sira ne'ebé halo dezena ona husi governu liuhusi MSSI ho autoridade lokál sira ne'ebé atu halo implementasaun projetu bele iha konektividade la'o tuir transmitu lei permite.
Subsidiu ne'e fó ba sira ne'ebé elejivel prienxe formatu sira ne'ebé iha hanesan konsellu ne'ebé KAK halo ekipa sei halo monitorizasaun nafatin, bele mai husi rede ne'ebé estabelese, informasaun mai husi media komunikasaun sosial no mós entidade sira ne'ebé iha relasionamentu tantu organizasaun joventude, kamada sira ne'ebé sensivel iha situasaun kombate kriminal sei fo informasaun.
"Ita sei dezenvolve informasaun sira ne'e atu haree ida ne'ebé iha infrasau administrativa no ida ne'ebé iha infrasaun kriminalidade. Iha serbisu balun ne'ebé tama ona mai iha ita," dehan Sergio.
Nune'e, oinsá mak MSSI ho sekretáriadu tékniku ne'ebé responsavel ba halo nafatin serbisu hodi halo desizaun sira, liuliu ba atribuisaun sesta bázika iha munisípiu to'o iha aldeia ne'ebé benefisiariu sira destakadu.
Molok ne'e, Xefe Suku Kamea, Postu Administrativu Kristu-Rei, Munisipiu Dili, Matos da Costa, lamenta ho komisaun Anti-Korupsaun (KAK) servisu hamutuk ho Prevedoria Direitus Humanos e Justisa (PDHJ) la marka prezensa hodi halo monotorizasaun ka fiskalizaun iha prosesu pagamentu subsidiu $200 ba uma kain sira iha kapital Dili.
Kestaun ne'e, nia hato'o bainhira Vice Primeira Ministra no Ministra Soliedariedade Sosial no Inkluzaun (MSSI) Armanda Berta dos Santos ne'ebe ofisialmente halo lansamentu dahuluk subsidiu uma kain sira iha suku sira husi postu administrativu sira no halo abertura pagamentu sub-sidiu $200 ba uma kain iha Suku Kamea Postu Administrativu Kristu-Rei Munisipiu Dili.
"Ida ne'e faila iha lina koordenasaun Ministeriu Implementador ho Instituisaun sira hanesan KAK ho PDHJ, tanba ami xefe suku sira iha kraik hein implementa, maibe ohin ami simu informasaun katak, sira laiha prezensa iha terrenu hodi halo monotorizasaun iha lansamentu dahuluk no abertura ba pagamentu sub-sidiu ne'e, ami hanoin sira nia prezensa importante tebes oinsa hodi bele halo monotorizasaun no hare karik iha uma-kain ne'e iha rendimentu bo'ot liu $500 ba leten simu subsidiu $200," dehan nia ba jornalista sira, iha sede suku kamea, tersa (06/12).
Tuir nia, bainhira KAK ho PDHJ la halo monotorizasaun oinsa atu bele hatene ka indenfika kona-ba uma-kain ho rendimentu liu $5000 ba leten atu simu subsidiu $200, tanba tuir lei la autoriza uma kain ho rendimentu bo'ot liu $500 ba leten laiha direitu atu simu $200.
Nia dehan, iha dekretu lei 37/2022, 25 maiu ne'ebe mak hetan alterasaun husi dekretu lei Nú.82/2022, 11 de Novembru katak, uma-kain ho rendimentu liu $500 ba leten laiha direitu asesu ba subsidiu $200.
Enkuantu, iha dekretu lei hatete momos, bainhira familia uma-kain ne'ebe mai ho presaun hodi obriga xefe suku sira atu fasilita simu osan, ami laiha direitu atu halo impedimentu ba uma-kain ne'ebe hakarak simu, depois mak Komisaun Anti-Korupsaun (KAK) ho Provedoria Direitus Humanos e Justisa (PDHJ) maka buka tuir hodi responvel ba iha kriminal tuir lei haruka.
Ho nune'e, nia husu ba uma kain sira husi aldeia 13 iha suku kamea, bainhira Uma kain ne'ebe ho rendimentu liu $500 ba leten, di'ak tur hakmatek labele mai simu subsidiu$200.Tanba tuir lei subsidiu $200 ba uma kain vulneravel mak iha direitu hetan.
