Komisariu Komsiaun Anti Korupsaun, Rui Pereira hatete, CAC simu ona lista ba funsionáriu sira ne’ebé atu uza viaturas iha eventu boot rua hanesan loron konsulta popular 30 Agustu no vizitasaun Papa Francisco nia iha Timor-Leste.
Tanba ne’e, funsionáriu ka diretór jerál sira ne’ebé la hetan autorizasaun husi superiór sira nia la iha guia da marsa labele uza viaturas públiku iha tempu feriadu tanba diretór jerál sira hetan ona subsídiu transporte husi governu.
“Husi parte Komisaun anti Korupsaun, Komisaun Funsaun Públiku, IGE, Patrimoni Estadu ami fó ona autorizasaun ba lista utilizador viaturas ba komisaun organizadora ba eventu boot hirak ne’ebé mak atu mai 30 Agustu ninian no Santu Padre ninian,” dehan Komisariu KAK iha Salau SEFOPE Kaikoli, segunda (05/07).
Komisariu hatutan, lista ne’ebé kak simu ona atu uza viatura estadu nian iha loron vizitasaun sua santidade papa francisco no loron konsulta popular nian mak ministeriu administrasaun estatal no membru governu balun.
Iha biban ne’e, komisariu mos apela ba ministeriu sira, orgaun estadu liliu kargo xefia sira ne’ebé mak seidauk deklra bens no rendimentu karik hakatk ba iha odamata kak nia hodi rejistu atu nune’e la bele hetan panalti.
Sekretariu Estadu Formasaun Profisional No Empregu, Rogério Aroujo Mendonça hatete, iha sefope diretór jerál no diretór nasional mka hetan viaturas estadu nian maibé sira iha loron segunda to’o sesta kada semana.
Maibé karik ba oin mak, Diretór Jerál ka Diretór Nasioanal sira uza viaturas estadu la tuir regra ne’ebé no hetan autorizasaun ruma husi superior mak kak hetan sira rasik sei responsavel ba aktu ne’ebé sira komete.
“viatura ne’ebé mak agora iha SEFOPE kargu diretór jeral no diretór nasional mak hetan kareta estadu, maibé kareta ne’e uza husi Segunda ba to’o iha Sesta lokraik, kuadu sira utiliza for a husi ida ne’e mak KAK hetan signifika kargo xefia refere nia mak responsabiliza,” dehan Governante ne’e.