Sekretariu Estadu Formasaun Profesional no Empregu (SEFOPE) Rogerio Araujo Mendonça hateten, kona-ba vaga online nia parte SEFOPE sei servisu hamutuk ho Pacifik Lobour Fasility (PLF) tenke servisu transparansia  hodi garante joven hotu tenke asesu diak.

"Maibé atu taka resultadu kona-ba kandidatu Timor oan sira ne'ebe teste eskrita lian inglesh kada munisipiu ne'e, fali tarde liu fulan Junu foin taka sai resultadu teste ba publiku," Dehan Nia ba Jornalista sira iha salaun Hotel Timor, Tersa (14/05).

"Ha'u hateten ba Publiku katak ba munisipiu sira hotu hodi partesipa iha vaga online ne'e, ha'u dehan la bele tauk no laran taridu maibé,  sei la mosu hodi uza partidu iha laran ne'e sei la akontese," Nia informa

Timor oan hotu iha direitu asesu ba buat hotu-hotu, maibé kona-ba partidu buat keta ida tanbá tinan foin hasoru dala ida.

Maibé Timor oan ne'e iha direitu rasik hodi asesu ba servisu hanesan ne'e, ha'u fo exemplu deit kompania ida mai halo rekrutamentu iha ne'e traballador Timor oan hamutuk ema na'in 200 tal.

"Karik numeru husi Munisipiu Aileu nia barak liu ita boot sira bele hamosu deskonfia, maibé ate data numeru ne'ebe ohin ha'u hatete sei trata tuir lei ne'ebé vigor ona iha Timor-Leste," Nia haktuir

Antes ne'e, Sekretária Estadu ba Formasaun Profisionál no Empregu (SEFOPE), realiza Serimónia Semi-Skilled ba programa PALM  ba teste eskrita  lian Inglês iha Munisipiu Dili, ho Kandidatu Traballadór hamutuk na'in  8337.

 Sekretáriu Estadu Formasaun Profesional no Empregu (SEFOPE) Rogerio Araujo Mendonça hateten, Kandidatu sira ne'ebé tuir teste eskrita lian inglesh liu hakat ba faze entrevista, SEFOPE sei  nafatin involve PDHJ, CAC, no IGE atu bele garante transparansia.

"Ba Kandidatu 8337  se mak liu iha teste eskrita hodi hetan oportunidade hakat ba faze entrevista, ami sei involve nafatin PDHJ, CAC no IGE hodi akompana prosesu ne'e iha entrevista ne'e hodi bele garante transparansia," Dehan Nia ba jornalista iha Eskola China Bairu Grulos Sesta (12/04)

SEFOPE  fundamenta, este ida ne'e sei la hare ba kor no grupu A ka Grupu B, SEFOPE servisu hamutuk ho Governu Austrália  realiza teste ida ne'e ho transparansia.

Iha fatin hanesan  Ministru Juventude, Desportu, Arte no Kultura, reprezentante Vice Primeiru- Ministru no Ministru Koordenadór Asuntu Ekonómiku, Nelyo Isaac Sarmentu hateten, politika Governu nian mak oinsá Prepara Traballadór kualifikadu sira hodi responde ba merkadu traballu Austrália nian no nasaun sira seluk.

Atu hateten ba Kandidatu Traballadór ne'ebé partisipa iha teste ida ne'e hodi sai Traballadór kualifikadu, hodi responde ba merkadu traballu  iha Austrália, politika ida ne'e mak Governu halo, laos deit ho Austrália.Maíbé, ba mós ho país sira ne'ebé mak presiza duni Timor-oan sira ne'ebé kualidade atu ba presta traballu iha sira nia rain.

Nia informa, Austrália halo Rekrutamentu ba Traballadór Timoroan laos Tanbá deit sistema rekrutamentu, maibe Tanbá kualidade Traballadór Timor-oan sira nia mak  hatudu duni kualidade.

"Laos tanbá Austrália gosta ita nia sistema rekrutamentu, maíbé sira gosta ho kualidade Traballadór Timoroan sira ne'ebé presta servisu iha empregador sira iha Austrália, ida ne'e mak ita la bele lakon, ita tenke  kontinua hasae nafatin kualiadade Timor-oan Sira nian" dehan Ministro molok halo abertura.

Atividade teste iha Munisipiu Dili sei realiza Durante lorom rua, hahu ohin no aban sei halo enseramentu teste ba Munisipiu 13.