JSMP Deteta Deputadu Balun Servisu ‘Halimar’ Featured

By Martinha Gusmao Fevereiru 14, 2024 162
Deputadu sira iha Parlamentu Nasional. Foto:Dok. Deputadu sira iha Parlamentu Nasional. Foto:Dok.

DILI: Relasiona ho Programa Monitorizasaun no Sistema Judisiariu (JMSP), ninia observassaun no monitorizasaun ba servisu Parlamentu Nasional (PN), liu liu liga ho  lejizlatura da nen nian. Durante ne'e sira ‘halimar’ entaun fo impaktu ba sira atu halo intervensaun.

Koordenador programa observasaun iha Parlamentu Nasional, Jose Pereira hateten, tuir lolos ne'e, deputadu sira tama servisu tuir ho oras para iha plenaria sira bele halo intervensaun sira.

“Ami  haree dala-barak liu sira intervensaun ka diskusaun ne'e ladun refleta didiak, ita bele dehan la refleta povu tomak nia hakarak, tanba sira barak liu haree ba interese sira partidaria. Aat liu tan problema sira ne’ebé akontese ho governasaun sira soe tun-sa’e, dun ba governu anterior depois dala-barak liu sira trata malu,” dehan nia, iha PN, horisehik.

Nia hatutan, deputadu sira dala ruma hirus malu to'o bakumalu, ida ne'e kestaun tempu sira atu halo intervensaun liu-liu ba partidu opozisaun sira, maibe Prezidente Parlamentu Nasional la fo tempu ba atu halo intervensaun.

Ne'e duni, JSMP nota, sira la fo tempu kada partidu ida atu halo intervensaun, la fo tempu sira atu halo defeza de ontra.

Nia esplika, tanba kuandu deputadu sira mak, hala'o sira nia knaar Parlamentu ho loloos, entaun funsionamentu PN bele sai funsiona ho di’ak no efetivu, tanba dala-ruma mos sira la tuir pontualidade no dala-barak sira la tuir kourum sira ne’ebé iha.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30