Jornal INDEPENDENTE Manan Prémiu Jornalizmu ba Paz ba Dala Tolu Featured

By Januário Assunção Outubru 26, 2023 2005
Jornal INDEPENDENTE Manan Prémiu Jornalizmu ba Paz ba Dala Tolu. Foto:INDEPENDENTE. Jornal INDEPENDENTE Manan Prémiu Jornalizmu ba Paz ba Dala Tolu. Foto:INDEPENDENTE.

BALIBO: Durante tinan tolu tutuir-malu, hahú husi tinan 2021 to’o 2023, Jornal INDEPENDENTE konsege sai manan-nain ba premiu Jornalizmu ba Paz ba kategoria media imprime nian.

Iha tinan ne’e, Jornal INDEPENDENTE konsege sai tan manan-nain ba kategoria Jornalizmu ba Paz ne’ebé oferese husi Centro Nacional Chega Institutu Públiku liu husi notisia ho titlu ‘Amilca no Istoria Luta Oan-feto Ida’.

Membru CNC I.P., Padre Juvito do Rego hatete, CNC servisu hamutuk ho Konsellu Imprensa oferese premiu ba jornalista sira ne'ebé hakerek notisia kona-ba diretu umanu no sosial bazeia realidade ne'ebé akontese iha terenu.

"Durante tinan ida ami nia ekipa envolve ema barak halo deliberasaun ida oinsa mak atu atribui preimeu ba ema sira ne'ebé hakerek istoria bazeia diretu umanu nian no notisia sosial ne’ebé hakerek bazeia realidade ne'ebé akontese iha terenu," dehan Padre Juvito iha Balibo, Segunda (16/10).

CNC, nia dehan, agradese ba KI no media hotu-hotu ne'ebé hakas an hodi servi nasaun ida ne'e liu husi informasaun ne'ebé fó sai nune'e publiku bele asesu ho di’ak, liga ba diretu umanu liu-liu ema sira ne'ebé moris iha marzenalizadu.

"Prémiu Jornalizmu ba Paz mós hanesan meiu ida atu kontinua enkoraja jornalista no ativista sira hodi kontribui ba paz no promosaun direitus umanus iha ámbitu harii sosiedade ida ne'ebé sei la repete tan hahalok violénsia sira ne’ebé mak akontese ona iha pasadu," dehan nia.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31