Sekretáriu Estadu Protesaun Sivíl (SEPS), Domingos Mariano Reis hatete, embaixador Amerika iha komitmentu boot hakarak apoiu Timot-Leste, bainhira akontese dezastre naturais ruma iha Timor-Leste.

Nia hateten, sira mós sei apoiu rihun atus lima apoiu ba kapasita rekursu humanu intende treinamentu no mós sei apoiu ai-han kuandu bainhira ita hetan dezastre iha ita-nia rai.

“Sira iha komitmentu no sira apoiu liu husi Organizasaun Internasional ba Migrasaun (sigla-ingles IOM), 1.2 miloes dolar atu apoiu Autoridade Protesaun Sivil’’ SEPS Dehan Domingos Mariano Reis iha  APC kaikoli, Kinta(18/01).

Nia dehan, Timor-Leste Agora dadauk prepara hela  atu  responde ba emerjensia iha Timor-Leste, tanba dadauk ne’e armajen sira iha kada munisipiu, iha pakote minimu rihun rua resin no masimu iha rihun atus lima, hodi responde urjensia no prepara mós apoiu rekoperasaun ba vitima sira kuandu mosu dezastre.

‘‘sasan ne’ebe atu apoiu ba vitima iha kategoria rua ida mak ai-han no ida mak laos ai-han, ida ai-han ne’e mak hanesan  fos, mina, supermie, susu been ,ikan no seluk tan ne’e atu apoiu ba vitima sira ne’ebe hetan dezastre no ida laos ai-han ne’e mak hanesan terpal bikan kanuru  sana tasu no seluk tan,’’dehan nia

Nia afirma, kuantidade ne’e sufisiente atu responde 24 horas, bainhira mosu dezastre no bele hatete katak ba tinan ida ne’e sufisiente.

Entretantu, Governante ne’e akresenta, sentru evakasaun sira ne’ebé eziste, importante atu responde ba dezastre sira dadaun ne’e governu prepara hela fatin rua provisóriu ida iha Lahane, ne’e IOM mak provavel hela, agora dadauk kondisaun diak hela no vitima sira bele evakua ba ne’ebá no ida mak iha tasi-tolu sentru Covid-19 nian ne’e prepra hela bainhira mosu dezastre boot bele evakua tan ba ne’eba.