Nia dehan, verifikasaun ba empregadór sira halo hotu ona no agora komesa halo pagamentu ba sira.
“Agora pagamentu ita hala’o nafatin, depoiis to’o dadus ne’ebé tama iha INSS hotu ona, entaun pagamentu ita taka,”dehan nia ba Online INDEPENDENTE, iha knar fatin, Kaikoli, tersa ne’e (13/09).
Nia hatutan, to’o agora INSS halo ona pagamentu ba entidade empregadór sira hamutuk 596 ho osan hamutuk dola amerikanu $1,610,920,06.
Nia hateten, husi entidade empregadór 596 ne’e, subsídiu eletrisidade hamutuk 123 ne’ebé selu ona ho osan $90.477.67.
Aleinde, dispensa kontributivu hamutuk 192, ne’ebé selu ona ho osan hamutuk $195.985.56 no subsídiu ba renda hamutuk 88 ho nia orsamentu hamutuk dolar amerikanu $95.124.05.
Entretantu, Prezidente ne’e akresenta, prosesu pagamentu ba empreza sira atraza, tanba empreza sira ne'ebé foun aumenta barak kompara ho tinan kotuk.
Tanba ne’e nia dehan, ba empregadór sira ne’ebé seidauk selu, kontinua verifika dadus no hafoin halo pagamentu.
