Númeru ne’e konta ho atendimentu husi sentru saude sira kompostu husi sentru saúde komunitáriu Alas, sentru saúde Komunitáriu Fatuberliu no Sentru saúde komunitáriu Hatu-Odu Ainaru hamutuk ema na’in 389.

“Tanba ne’e ami nia viziñu ne’ebé sira hotu-hotu mai partus iha ne’e kuandu sira ne’ebé mai ho partus komplikadu ami refere ba iha ospitál referál Maubisi no HNGV atu hetan atendimentu ne’ebé di’ak,” Diretora Servisu Munisipál Saúde Manufahi, Florência Corte-Real Tilman hateten, iha serbisu fatin, Kinta (01/12/2022).

Inan sira ne’ebé mai  ho kondisaun komplikadu hanesan ran fakar ka pos partum, balun mai ho isin rua ne’ebé mak liu fulan, entaun sira ne’e labele atende iha ne’e no tenki halo transferénsia ba iha Hospital Referal Maubesi ho HNGV.

Tanba ema ho tensaun aas entaun iha ne’e labele halo atendimentu, tenki transfere ba iha ospitál referral.

Iha sentru ida ne’e, inan mate na’in-haat  nune’e mós totál bebé mate husi sentru saúde sira hotu iha munisipiu Manufahi ne’e hamutuk na’in 18 mak mate.

Tanba labarik mate ne’e la’ós pesoál saúde ajuda mak tarde ne’e la’e, maibé tanba desizaun  ne’ebé mak inan ho familia foti tarde, entaun sira halo transferénsia mai tarde no labele halo buat ida, ida ne’e mak akontese.

Hanesan lider máximu iha ne’e, garantia tanba sai mós hanesan parteira senior no tuir ona treinamentu kona-bá KEmON-B nian.

“Ami sempre iha lina koordenasaun ne’ebé di’ak, nune’e mós bainhira ai-moruk mak laiha Munisipiu aloka osan mai ami kada fulan $500 atu bele haree ai-moruk ne’ebé mak hanesan estoke out ne’e ami tun ba hola hodi atende pasiente sira,” nia dehan.