Enkuantu, edifisiu STAE hitu ne’e lokaliza iha munisipiu sira mak hanesan, Dili, Baukau, Ainaro, Aileu, Bobonaro, Líkisa no Lautem.

Rehabilitasaun ba edifisiu ne’e, atu hodi garante servisu orgaun eleitoral nian iha eleisaun parlamentar tinan 2023 ho efetivu no kualidade.

“Atividade ohin loron ne'e hanesan rejultadu ida ne'ebé apoiu husi ita nia parseiru sira UNDP no Japaun, hanesan ita hotu hatene, tanba durante ne'e, sira nia apoiu masimu tebes ba iha prosesu eleitoral STAE ho CNE, hahú iha restaurasaun independensia mai to’o iha ultima eleisaun, no agora sira apoiu fundu millaun haat (4) mai iha ita, hodi rehabilita edifisiu STAE hamutuk hitu, atu nune'e ita garante partisipasaun sidadaun ho masimu iha eleisaun parlamentár ho efetivu,” dehan Diretór Jéral STAE Acilino Manuel Branco, ba jornalista sira iha edifisiu STAE, kinta ne’e (01/12).

Nia hatutan, UNDP kontinua ho komitmentu fó apoiu ba iha prosesu eleitoral. Tanba, antes ne’e mós governu Japaun liu husi nia Embaixadór hatudu nafatin sira nia komitmentu fó apoiu ba iha prosesu eleitoral sira mai to’o iha eleisaun prezidensiál primero ho segundo volta iha tinan 2017 no 2018.

Tuir nia, Governu Japaun liu husi UNDP nia apoiu ba prosesu eleitoral sira, ho kualidade partisipativu no elisaun ida ne'ebé justu no transparente liu ba asuntu infrestrutura ida ne'ebé importante tebes.

“Ita hotu hatene, apoiu ida ne'ebé sertu no on time tanba ita haree ba apoiu husi povu Japaun nian ne'e prosesu ida ne'ebe durante ne'e kontinua ho di'ak,”nia dehan.

Tanba ne'e Acilino, dezafia, ba Governu no povu Japaun atu bele hametin liu tan komperasaun entre nasaun rua ne’e, liu husi apoiu finanseiru no material hodi bele responde ba ezizensia públika liuliu hasae taxa partisipasaun sidadaun hotu-hotu nian iha faze eleisaun parlamentár tinan 2023, tanba ema hotu hakarak asesu ba informasaun ida ne'ebé kualidade liu, entaun informasaun públiku tenki masimu liu husi utilizasaun instrumentu ba hala'o edukasaun votantes ho di'ak.

“Hau rekoñese katak iha prosesu eleisaun prezidensiál Governu Japaun fó apoiu maximu ba iha orgaun eleitoral hanesan asistensia tenkinu  no prepara manual bainhira ita hasoru eleisaun iha tempu pandemia Covid-19 nia laran.

Agora STAE halo hela revijaun ba lei eleisaun parlamentár no sei halo altera ba iha regulamentu sira, presiza prepara manual STAE iha komitmentu ba preparasaun ba iha prosesu.

"Tamba ida ne'e mak hau hakarak hatete katak apoiu orsamentu husi Japaun signifikante tebes ho fundu ida ne'ebé naton ho nia jestaun liu husi prosedimentu UNDP efetivu los hodi responde ba ita nia nesesidade," tenik nia.

Iha fatin hanesan, Reprezentante Rezidente UNDP, Munkhtuya Altangerel reforsa tan, ohin loron, hala’o serimonia entrega edifisiu STAE nian ne’ebé  renovadu iha edifisiu STAE nasional, Dili,  Timor-Leste, ne’ebé hetan apoiu finanseiru husi Governu Japaun.

Projetu UNDP CORE-TL halao sarvisu renovasaun ba eskritoriu STAE hitu ne‘ebé asegura asesibilidade ba ema ho defisiénsia sira liu  husi  ekipamnentu ho rampas no sentina ne'ebé asesivel.

“Ami orgullo atu finansia projetu, ne‘ebé implementa husi UNDP, hamutuk ho Governu Timor Leste, eleisaun ne‘ebé livre no justu sai nuudar fundamentu ba demokrasia, no finansiamentu ba  projetu ne'e sai nuudar simbolu amizade nian entre demokrasia sai forte no nasaun rua ne‘ebe iha loro-matan sae, hanesan ita komemora aniversériu ba dala 20 relasaun diplomatika  entre Japaun no Timor-Leste," nia hato'o.

Munkhtuya hatutan, Governu Japaun hakarak hato'o agradese ba povu Timor-Leste nia laran luak bele simu apoiu husi Japaun no PNUD hodi hametin kooperasaun atu promove eleisaun inkluzivu no informativu iha nivel nasional no munisipiu iha territóriu nasionál

Nune'e mos UNDP, iha nia intevensaun haktuir hadia infraestrutura ba STAE no CNE sei fasilita ema hotu inklui ema ho defisiénsia sira asesu politiku, hodi hasa‘e tasa partisipasaun no promove elisaun inkluziva, hodi eleva kualidade demokrasia iha Timor-Leste.