ILO Entrega ENPS Bá MSSI Featured

By Rufino Barreto Maiu 31, 2023 287
Reprezentante Organizasaun Internasionál ba Traballu, dezignada ho ILO iha Timor-Leste, entrega planu no implementasaun Estratéjia Nasionál Protesaun Sosiál (ENPS) ba Vise-Ministra Soliriedade Sosial no Inklusaun (MSSI), Signi Verdial, iha salaun. Foto:Media MSSI. Reprezentante Organizasaun Internasionál ba Traballu, dezignada ho ILO iha Timor-Leste, entrega planu no implementasaun Estratéjia Nasionál Protesaun Sosiál (ENPS) ba Vise-Ministra Soliriedade Sosial no Inklusaun (MSSI), Signi Verdial, iha salaun. Foto:Media MSSI.

DILI: Reprezentante Organizasaun Internasionál ba Traballu, dezignada ho ILO iha Timor-Leste, entrega planu no implementasaun Estratéjia Nasionál Protesaun Sosiál (ENPS) ba Ministeriu Soliriedade Sosial no Inklusaun (MSSI).

Vise-Ministra Solidariedade Sosiál no Inkluzaun, Signi Verdial hateten, ENPS ninia implementasaun anuál hala’o hotu ona, iha enkontru ida ohin ko’alia uituan kona-ba atinjimentu sira iha ENPS, liga ho relatóriu anuál implementasaun ENPS iha tinan 2022.

Tuir planu sei hala’o Konferênsia Imprensa ida ko’alia kona-ba atinjimentu sira iha tinan 2022 nian.

ENPS 2021-2030 ne’e governu lansa ona iha fulan  Novembru tinan 2021, no ninia implementasaun anulamente.

“ENPS ne’e modelu ida di’ak no ita agradese tanba Timor-Leste bele iha ENPS, tanba liu husi ENPS ita konsege hala’o mudansa ida iha kontestu polítika sosiál iha Timor-Leste, liuhosi estratéjia ne’e ho ninia planu implementasaun sira anuálmente," nia hateten.

Ligadu ho atinjimentu  iha komponente importante tolu iha ENPS, ne’ebé kompostu husi Redusaun Kiak, Protesaun ba Traballador sira, no Reforsa Kapasitasaun Institusionál.

Intermus kapasitasaun profisionál ba funsionárius liga ho planu, monitorizasaun no avaliasaun.

Kona-ba kiak, Timor-Leste ninia liña pobreza pruvolta 42%, no atinjimentu boot ida iha MSSI mak programa Bolsa da Mãe-Jerasaun Foun ne’ebé kontribui tebes ba hamenus mal-nutrisaun iha Timor-Leste.

Atinjimentu balu ligadu ho ratifikasaun ba Konvensaun Internasional ba Ema ho Defisiénsia ne’ebé iha ona faze implementasaun, nune’e mós hasa’e subsídiu ba idozus husi $50 kada fulan ba $57 kada fulan.

ENPS ne’e dezenvolve tuir evolusaun de situasaun kada tinan no mós haree ba inflasaun iha Timor-Leste.

Nia fo ezemplu, reforma Bolsa da Mãe-Jerasaun Foun, hasa’e osan ba idozu sira tanba inflasaun ne’e aumenta, protesaun ba traballador sira liuhusi Institutu Nasionál Seguransa Sosiál fó protesaun ba traballdor sira iha empreza inklui atribui subsídiu ba sira.

“Ita sei kontinua nafatin hala’o servisu sira ne’ebé ita hala’o ona, no ba oin ita buka atu millora liu tan servisu liu-liu ligadu ho dadus estatístika," nia hateten.

Tan ne’e iha tempu badak ita sei lansa buletin estatístika, nu’udar aspetu importante ida ne’ebé ita koaze la hala’o iha ita-nia rain, ita nunka abetua uza númerus ba iha ita-nia prosesu planeamentu sira

Husi Ministériu Edukasaun Juventude no Desportu (MEJD), kontinua hadi’ak programa merenda eskolár, reabilitasaun ba eskola sira inklui hadi’ak ninia fasilitadade sira.

Ministériu Saúde ninia atinjimentu boot ida mak halo konstrusaun ba postu saúde sira hodi lori saúde hakbesik liutan ba povu, no mós sosa ambulansia hodi garante katak pasiente sira labele hakotu is iha dalan klaran.

Rate this item
(0 votes)
Last modified on Kuarta, 31 Maiu 2023 14:21

Independente Digital TV